بۇل تۋرالى مەملەكەت باسشىسى ۇكىمەتتىڭ كەڭەيتىلگەن وتىرىسىندا ايتتى, دەپ حابارلايدى Egemen.kz.
«كەلەسى – باعا بەلگىلەۋ ماسەلەسى. بۇل ماسەلە بويىنشا بىرنەشە تالقىلاۋ بولدى. ازىق-ت ۇلىك باعاسىن وسىرمەۋ ءۇشىن نەگىزگى باعىتتار بويىنشا ناقتى جۇمىس جۇرگىزۋ كەرەك. ءونىمنىڭ وزىندىك قۇنىن تومەندەتۋ, قاجەتسىز دەلدالدان ارىلۋ تۋرالى ءبىز بىرنەشە رەت ايتتىق. ساۋدا جەلىلەرىن قولجەتىمدى ەتىپ, اينالىمعا قارجى سالۋ ءۇشىن ارزان نەسيە بەرۋ ءتاسىلىن دە قولدانۋعا بولادى. بۇل باعىتتا العاشقى قادامدار جاسالدى. تاۋار وندىرۋشىدەن الدىن-الا تىكەلەي ساتىپ الۋ ەرەجەسى قابىلداندى.
بيۋدجەتتەن قارجى بولىنەتىن بولدى. دەگەنمەن كوپتەگەن شارۋانىڭ كوكونىس ساقتايتىن جەرى جوق. سول سەبەپتى, ولار ونىمدەرىن ەگىس باسىنان تىكەلەي ساتۋعا ءماجبۇر بولادى. ونىڭ سالدارى بارىمىزگە بەلگىلى. اۋىل تۇرعىندارى ءبىراز تابىسىنان قاعىلادى. ازىق-ت ۇلىكتىڭ باعاسى جىل مەزگىلىنە قاراي قاتتى وزگەرەدى. كۇزدە سۋ تەگىن نارسە كوكتەمدە شارىقتاپ شىعا كەلەدى», دەدى پرەزيدەنت.
پرەزيدەنتتىڭ ايتۋىنشا, باعانى تۇراقتاندىرۋدىڭ شەشىمى – قويما ينفراقۇرىلىمىن جاساۋ. بىراق بۇل باعىتتاعى جۇمىس باياۋ ءجۇرىپ جاتىر.
«بىلتىر 83 مىڭ توننا نەمەسە 77 پايىز ءونىم ساقتايتىن قويما سالۋ كوزدەلگەن ەدى. الايدا جوسپار 64 مىڭ تونناعا عانا ورىندالدى. بيىل جۇمىس ءبىرشاما جاندانا ءتۇستى. 98 مىڭ توننالىق قويما سالۋ جوسپارلانىپ, سونىڭ 87 مىڭ تونناسى قازىردىڭ وزىندە ىسكە قوسىلدى. دەگەنمەن بۇل باعىتتاعى شارۋانى ءالى دە شيراتا ءتۇسۋ كەرەك», دەپ قوستى ق.توقاەۆ.
سونىمەن قاتار مەملەكەت باسشىسى قازىرگى جاعدايدا ازىق-ت ۇلىك قاۋىپسىزدىگى ەلدى وركەندەتۋدىڭ باستى شارتى ەكەنىن ءتۇسىنۋ قاجەت ەكەنىن ايتتى. اگروونەركاسىپ كەشەنىن دامىتۋ, اسىرەسە اۋىل شارۋاشىلىعى ونىمدەرىن وڭدەۋ – ۇكىمەت پەن اكىمدەر ءۇشىن باستى باسىمدىق بولۋعا ءتيىس