اتىراۋ وبلىسى كاسپي تەڭىزىنىڭ جاعالاۋىندا قامىس القاپتارى قايتادان ورتەندى, دەپ حابارلايدى Egemen.kz.
وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ حابارلاۋىنشا, دامبا اۋىلىنان 30 شاقىرىم جەردە كاسپي تەڭىزىنىڭ جاعالاۋىنداعى «اق جايىق» مەملەكەتتىك تابيعي رەزەرۆاتىنىڭ اۋماعىندا قامىس ورتەنگەن.
جەر بەدەرى باتپاقتى بولعاندىقتان بۇل جەرلەرگە تەحنيكا كىرە المايدى. ءورت سوندىرۋگە تىكۇشاق جۇمىلدىرىلدى, سونىمەن قاتار اتىراۋ وبلىسى توتەنشە جاعدايلار دەپارتامەنتىنىڭ 11 قىزمەتكەرى مەن 2 تەحنيكاسى جۇمىسقا كىرىستى. جەلدىڭ باعىتى – كاسپي تەڭىزىنە قاراي, سوندىقتان ەلدى مەكەندەرگە قاۋىپ ءتونىپ تۇرعان جوق.