يساتاي اۋداندىق وقۋشىلار ۇيىندەگى 13 ۇيىرمەدە 535 وقۋشى قوسىمشا ءبىلىم الادى. ال قاماجاي مۇعاۋقىزى جەتەكشىلىك ەتەتىن «اققايىڭ» ءانسامبلىنىڭ بالعىن بيشىلەرى تالاي جۇلدەنى يەلەنىپ ءجۇر. جاقىندا ولار رەسەي فەدەراتسياسىنىڭ استاناسى – ماسكەۋدە وتكەن حالىقارالىق بايقاۋدا باس جۇلدەنى يەلەندى.
انسامبل جەتەكشىسىنىڭ ايتۋىنشا, بيىل ماۋسىمدا «Jas tolqyn» جاس تالانتتار بايقاۋىندا جەڭىمپاز اتانىپ, حالىقارالىق بايقاۋعا جولداما العان. ال وتكەن اپتادا رەسەيدەگى بايقاۋدا ماسكەۋ, استراحان, كراسنويار, ءنوۆوسىبىر وڭىرلەرى مەن قالماق رەسپۋبليكاسىنىڭ ونەرپازدارى دا باق سىناعان.
– ءبىزدىڭ انسامبل بي اتالىمىنىڭ باس جۇلدەسىن يەلەندى. بايقاۋعا ءانسامبلدىڭ ورتا توبىنان 12 ءبيشى قاتىستى. ويتكەنى ولار – وسىنداي بايقاۋعا قاتىسىپ, تاجىريبە جيناعان بيشىلەر. سول سەبەپتەن ولاردىڭ ونەرى جوعارى باعالاناتىنىنا سەنگەن ەدىم. سول سەنىمىم اقتالدى, – دەيدى قاماجاي مۇعاۋقىزى.
اتىراۋ وبلىسى