كەشە ساۋد ارابياسىنىڭ استاناسى – ەر-ريادتا تاەكۆوندودان گران-پري كەزەڭىنىڭ فينالى باستالدى.
سپورتتى دامىتۋ ديرەكتسياسىنىڭ مالىمەتى بويىنشا, پاريج وليمپياداسىنا جەتەلەيتىن رەيتينگ ۇپايلارى ساراپقا سالىناتىن تۋرنيرگە الەمدىك تاەكۆوندو جۇلدىزدارى قاتىسىپ جاتىر. ال بۇل الامانعا قازاقستان قۇراماسىنىڭ اتىنان ەكى سپورتشى بارادى. ولار – توكيو وليمپياداسىنا قاتىسۋشىلار جانسەل دەنيز (+67 كگ) بەن سمايىل دۇيسەباي (+80 كگ).
جالپى, وليمپيادا باعدارلاماسىنا كىرەتىن 8 سالماقتا (4 ەر, 4 ايەل) 40 ەلدىڭ 128 دايانگ شەبەرى جىلدى قورىتىندىلاماق. گران-پري جارىسىندا ۇپايدان بولەك, جەڭىمپازدار مەن جۇلدەگەرلەر قارجىلاي سىياقىعا يە بولادى.