«وتباسىنىڭ تسيفرلىق كارتاسى» اقپاراتتىق جۇيەسىن پيلوتتىق رەجيمدە ەنگىزۋدىڭ ارقاسىندا وسى جىلدىڭ 1 قىركۇيەگىنەن باستاپ 51 مىڭ ادامعا مەملەكەتتىك كورسەتىلگەن قىزمەتتەر بەلسەندى كورسەتىلۋى ءۇشىن SMS جولداندى. بۇل رەتتە ءوتىنىش بەرۋسىز جاردەماقى نەمەسە تولەم الۋ مۇمكىندىگىن 11,7 مىڭ ادام پايدالاندى, دەپ حابارلايدى Egemen.kz ەڭبەك جانە الەۋمەتتىك قورعاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
قازىرگى ۋاقىتتا وتباسىنىڭ تسيفرلىق كارتاسى مەملەكەتتىك قولداۋ شارالارىن الۋعا قۇقىعى بار قازاقستاندىقتارعا قانداي دا ءبىر وتىنىشتەرسىز جاردەماقىلار مەن الەۋمەتتىك تولەمدەردىڭ 9 ءتۇرىن رەسىمدەۋگە مۇمكىندىك بەرەدى. ولار جۇكتىلىككە جانە بوسانۋعا بايلانىستى تابىسىنان ايىرىلعان جاعدايدا الەۋمەتتىك تولەم, بالا كۇتىمىنە بايلانىستى تابىسىنان ايىرىلعان جاعدايدا الەۋمەتتىك تولەم, جۇمىسىنان ايىرىلعان جاعدايدا الەۋمەتتىك تولەم, اسىراۋشىسىنان ايىرىلۋ بويىنشا الەۋمەتتىك تولەم, مۇگەدەكتىگى بار بالانى تاربيەلەپ وتىرعان اتا-اناسىنا (قامقورشىسىنا) جاردەماقى, مۇگەدەكتىگى بويىنشا جاردەماقى, كوپبالالى وتباسىلارعا بەرىلەتىن جاردەماقى, «التىن القا» جانە «كۇمىس القا» القالارىمەن ماراپاتتالعان كوپبالالى انالارعا بەرىلەتىن جاردەماقى, اتاۋلى الەۋمەتتىك كومەك.
سونداي-اق وتباسىنىڭ تسيفرلىق كارتاسى ارقىلى زەينەتاقى تولەمدەرىن الۋ مۇمكىندىگى تۋرالى اۆتوماتتى حابارلاما ىسكە قوسىلدى.
مەملەكەتتىك قولداۋ شارالارىن الۋعا قۇقىق بەلگىلەنگەن كەزدە الەۋەتتى الۋشىعا 1414 بىرىڭعاي بايلانىس ورتالىعىنان SMS-حابارلاما جىبەرىلەدى. حابارلاما العان ازامات وعان كەلىسىمى تۋرالى جاۋاپ بەرۋى كەرەك. ءوتىنىشتى رەسىمدەۋ جانە الەۋمەتتىك جاردەماقى نەمەسە تولەم تاعايىنداۋ اۆتوماتتى رەجيمدە جۇرگىزىلەدى, سودان كەيىن اقشا قاراجاتى الۋشىنىڭ بانك شوتىنا اۋدارىلادى.
پرواكتيۆتى فورماتتاعى مەملەكەتتىك قولداۋ شارالارى وتباسىنىڭ تسيفرلىق كارتاسى ارقىلى 11,7 مىڭ ازاماتقا تاعايىندالدى.
بۇرىن حابارلانعانداي, وتباسىنىڭ تسيفرلىق كارتاسى – بۇل ءارتۇرلى مەملەكەتتىك ورگانداردىڭ مالىمەتتەرىن جيناقتايتىن, ازاماتتاردىڭ الەۋمەتتىك ءال-اۋقاتىنىڭ دەڭگەيىن انىقتاۋعا جانە ولارعا پرواكتيۆتى فورماتتا كەپىلدەندىرىلگەن مەملەكەتتىك قولداۋ كورسەتۋگە مۇمكىندىك بەرەتىن اقپاراتتىق جۇيە.
بۇگىنگى تاڭدا مەملەكەتتىك ورگانداردىڭ اقپاراتتىق جۇيەلەرىنىڭ دەرەكتەرى نەگىزىندە وتباسىنىڭ تسيفرلىق كارتاسىندا قازاقستاننىڭ 19,5 ملن ازاماتى نەمەسە 6,3 ملن وتباسى تۋرالى اقپارات جيناقتالعان.
جوبانى ىسكە اسىرۋ كەزەڭدەرى:
- وسى جىلدىڭ 1 قىركۇيەگىنەن باستاپ جاردەماقىلار مەن الەۋمەتتىك تولەمدەردىڭ 9 ءتۇرى بويىنشا جاڭا فورماتتا قىزمەت الۋعا مۇمكىندىك بەرىلدى;
- 2023 جىلعى 1 قاڭتاردان باستاپ تىزبە الەۋمەتتىك قورعاۋ سالاسىنداعى قىزمەتتەرمەن كەڭەيتىلەتىن بولادى;
- 2024 جىلعى 1 قاڭتاردان باستاپ دەنساۋلىق ساقتاۋ جانە ءبىلىم بەرۋ سالالارىنداعى مەملەكەتتىك كەپىلدىكتەر ەنگىزىلەتىن بولادى;
- 2025 جىلدان باستاپ مەملەكەتتىك كەپىلدىكتەردىڭ بارلىق تۇرلەرى قامتىلاتىن بولادى.
«الاياقتىقتىڭ الدىن الۋ ماقساتىندا 1414 بىرىڭعاي بايلانىس ورتالىعىنان كەلىپ تۇسكەن SMS-كە جاۋاپ بەرۋ قاجەتتىگىن اتاپ وتەمىز. بارلىق سۇراقتار جونىندە 1414 ءنومىرى بويىنشا Call-ورتالىققا حابارلاسىڭىز. قوڭىراۋ شالۋ تەگىن», دەلىنگەن حابارلامادا.