بيىلعى جىلدىڭ قاراشا ايىنىڭ سوڭىنداعى جاعداي بويىنشا ەلىمىزدە قايتالاما نارىقتاعى پاتەرلەردىڭ باعاسى ءبىر جىلدا 26,9%-عا, جاڭا تۇرعىن ءۇيدى ساتۋ 17,3%-عا ءوستى. بۇل تۋرالى 8 جەلتوقساندا ۇلتتىق ستاتيستيكا بيۋروسى حابارلادى, دەپ جازادى Egemen.kz.
وڭىرلىك تۇرعىدا باستاپقى تۇرعىن ءۇي نارىعىنداعى باعالار جىلدىق ماندە اقتوبەدە – 30,3%-عا, سەمەيدە – 26,9%-عا, اقتاۋدا – 25%-عا ايتارلىقتاي ءوستى.
قايتالاما تۇرعىن ءۇي نارىعىندا باعا ءوسىمى قاتتى بايقالعان قالالار قاتارىنا تالدىقورعان (44,6%), اقتاۋ (43,3%), سەمەي (42,8%), اقتوبە (42,4%), استانا (41,7%) جانە قىزىلوردا (41,2%) كىردى, ال تۇرعىن ءۇيدى جالعا بەرۋ نارىعىندا – الماتى (76,6%), قاراعاندى (55,7%) جانە قوستاناي (54,5%) بار.
ءبىر ايدا (2022 جىلعى قاراشادان 2022 جىلعى قازانعا دەيىن) پاتەرلەردى قايتا ساتۋ باعاسى 1%-عا, جاڭا تۇرعىن ءۇيدى ساتۋ – 1,2%-عا ءوستى.
2022 جىلدىڭ قاراشاسىندا جايلى تۇرعىن ءۇيدى جالعا الۋ وتكەن جىلدىڭ سايكەس ايىمەن سالىستىرعاندا 48,6%-عا ءوستى. قاراشا ايىندا جايلى تۇرعىن ءۇيدى جالعا الۋ وتكەن ايمەن سالىستىرعاندا 2,4%-عا تومەندەدى.