اقتوبە وبلىسى شۇبارشى اۋىلىندا وقىس وقيعا بولدى. گاز-اۋا قوسپاسىنىڭ جارىلۋى سالدارىنان ەكى جەرگىلىكتى تۇرعىن زارداپ شەكتى, ءبىر ءۇي قۇلادى, دەپ حابارلايدى Egemen.kz وبلىستىڭ توتەنشە جاعدايلار دەپارتامەنتىنە سىلتەمە جاساپ.
ۆەدومستۆونىڭ ءباسپاسوز قىزمەتى حابارلاعانداي, تۇنگى ساعات 2-دە ديسپەتچەرلىك قىزمەتكە جەكە تۇرعىن ۇيدە گاز باللونى جارىلعانى تۋرالى قوڭىراۋ تۇسكەن.
وقيعا ورنىنا جەتكەن قۇتقارۋشىلار گازدىڭ جارىلعانىن انىقتادى. ءۇيدىڭ قابىرعالارى مەن شاتىرى وپىرىلىپ, ەكى ادام زارداپ شەكتى.
«الدىن الا بولجام بويىنشا, گاز جىلىتۋ قازاندىعىنىڭ دۇرىس جۇمىس ىستەمەۋىنەن جارىلىپ, ودان كەيىن 84 شارشى مەتر اۋماقتا ءۇيدىڭ قابىرعاسى مەن شاتىرى وپىرىلعان. ناقتى سەبەبىن ساراپتاما انىقتايدى. ەكى ادام زارداپ شەكتى – ايەل مەن ونىڭ قايىن اتاسى. زارداپ شەككەندەر كەڭقياق اۋىلىنىڭ اۋداندىق اۋرۋحاناسىنا جاتقىزىلدى. ولاردىڭ جاعدايى تۇراقتى», دەپ حابارلادى تجد ءباسپاسوز قىزمەتىنەن.