تەننيستەن قازاقستان قۇراماسىنىڭ ويىنشىلارى جاڭا ماۋسىمعا دايىندىعىن بىرىككەن اراب امىرلىكتەرىندە باستايدى.
5-25 جەلتوقسان ارالىعىنا جوسپارلانعان دۋبايداعى وقۋ-جاتتىعۋ جيىنىنا ەلىمىزدىڭ ايەلدەر جانە ەرلەر قۇرامالارىنىڭ تەننيسشىلەرى قاتىسادى. سونداي-اق Team Kazakhstan اكادەمياسىنىڭ جاس ويىنشىلارى ەرەسەكتەرمەن بىرگە دايىندالادى. ۇلتتىق قۇراما كاپيتاندارى – يۋري ششۋكين مەن ياروسلاۆا شۆەدوۆا جاتتىعۋ جيىنىنا ەلەنا رىباكينا, اننا دانيلينا, جىبەك قۇلامباەۆا, گوزال اينيتدينوۆا, اندرەي گولۋبەۆ, الەكساندر نەدوۆەسوۆ, تيموفەي سكاتوۆ, ميحايل كۋكۋشكين, بەيبىت جۇقاەۆ, دەنيس ەۆسەەۆ, دميتري پوپكو, ارىسلانبەك ايتقۇلوۆ جانە يسلام ورىنباسار سەكىلدى تەننيسشىلەردى شاقىرعان.
جيىننان كەيىن قازاقستاندىق تەننيسشىلەر اۋسترالياعا اتتانادى. جەرلەستەرىمىزدىڭ ءبىر بولىگى United Cup كۋبوگىندە, باسقالارى ادەلايدا WTA 500 جانە حوبارت ATP 250 تۋرنيرلەرىندە ونەر كورسەتەدى. سونىمەن قاتار «ۇلكەن دۋلىعانىڭ» العاشقىسى – Australian Open بىرىنشىلىگىندە دە باق سىنايدى.