كەشە تايلاندتىڭ پاتتايا قالاسىندا اكادەميالىق ەسكەك ەسۋدەن ەرەسەكتەر مەن جاستار اراسىنداعى ازيا چەمپيوناتىنىڭ جالاۋى جەلبىرەدى.
جەلتوقساننىڭ 4-نە دەيىن جالعاساتىن سايىستا ەل نامىسىن 13 ەرەسەك (11 ەر, 2 ايەل) پەن 9 جاس سپورتشى (3 ەر, 6 ايەل) قورعاپ جاتىر. بىرقاتار سپورتشى ىرىكتەۋدى ءساتتى ەڭسەرىپ, جۇلدە ءۇشىن تالاسۋعا مۇمكىندىك الىپ ۇلگەردى. سپورتتى دامىتۋ ديرەكتسياسىنىڭ مالىمەتى بويىنشا, ەرەسەكتەر اراسىندا (LW4ح) روزا كەڭەس, ۆالەنتينا ۆولكوداۆوۆا, مەدينا قوڭىرباەۆا, ەكاتەرينا نوسكوۆا كۆارتەتى ىرىكتەۋدە ءوز توبىندا مارەگە بەسىنشى كەلدى. جارىسقا 6 ەلدىڭ سپورتشىلارى قاتىسقاندىقتان قازاقستاندىقتار 3 جەلتوقساندا وتەتىن فينالعا جولداما الدى.
سونىمەن قاتار ەرەسەكتەر اراسىندا سىنعا تۇسكەن (Lم4-) ادىلەت كەرىمبەك, قۋانىش بەكبەمبەتوۆ, دانيل پەترەنكو مەن باپان اسحامبەك ىرىكتەۋدە 6-ورىن الىپ, 3 جەلتوقساندا وتەتىن فينالعا شىقتى. جاسوسپىرىمدەر اراسىنداعى (JW2-) مەلاني جاقىپوۆا مەن انجەلا پوليانينا جۇبى ىرىكتەۋ كەزەڭىندە ءوز توبىندا 4-ورىن الدى. ەندى ولار 3 جەلتوقسانداعى فينالدا باق سىنايدى.