چيليمەن شەبەرلىك بايقاسادى

كوماندالىق الەم چەمپيوناتىنىڭ فينالىنا شىعۋ ءۇشىن جەرلەستەرىمىز الەمدىك رەيتينگتە 21-ورىندا تۇرعان چيلي قۇراماسىمەن كەزدەسەدى. ماتچ 4-5 اقپان كۇندەرى چيليدە وتەدى دەپ جوسپارلانعان. دەۆيس كۋبوگىنىڭ ىرىكتەۋ ماتچتارى ءتورت جەكەلەي جانە ءبىر جۇپتىق كەزدەسۋدەن تۇرادى. ءار ماتچتا ۇزدىك شىققان 12 كوماندا ءتۋرنيردىڭ فينالدىق كەزەڭىنە جولداما الادى. ولارعا 2022 جىلعى دەۆيس كۋبوگىنىڭ فيناليستەرى, سونداي-اق ارنايى شاقىرتۋ (wild card) العان يتاليا مەن يسپانيا قوسىلادى. بيىلعى دەۆيس كۋبوگىندە كانادا قۇراماسى جەڭىمپاز اتاندى. «ۇيەڭكى جاپىراقتار ەلىنىڭ» وكىلدەرى فينالدا اۋستراليادان باسىم ءتۇستى.

سونداي-اق يتالياداعى چەللەندجەر ءتۋر­ني­رىنىڭ فينالىندا ونەر كورسەتكەن قازاقستاندىق ميحايل كۋكۋشكين باس جۇل­دەنى يەلەنە المادى. جەرلەسىمىز فينالدا الەمنىڭ 197-راكەتكاسى شۆەي­تساريالىق لەاندرو رەيدلمەن كورتقا شى­عىپ, ەكى سەتتە – 7:6, 6:3 ەسەبىمەن جەڭىلىپ قال­دى. تارتىستى وربىگەن ءبىرىنشى پارتيادا 20 جاس­­ت­اعى شۆەيتساريالىق سپورتشى تاي-برەيكتە ابجىل­دىك تانىتتى – 7:6 (7:4). ول ەكىنشى سەتتە دە 2:0 ەسە­بىمەن العا كەتىپ, سول باسىمدىعىن ساقتاپ قالدى – 6:3.