شەكاراداعى اۋىلدارعا نازار اۋدارىلسا...

مۇنى نەگە ايتىپ وتىرمىن؟ ويتكەنى ۇكىمەت قۇرمانعازى اۋدانىنىڭ ازعىر, سۇيىندىك, اسان وكرۋگتەرىندەگى ەلدى مەكەندەرگە نازار اۋدارۋعا ءتيىس. اسىرەسە ازعىر وكرۋگىندەگى جالعىزاپان, قوڭىرتەرەك, بالقۇدىق اۋىلدارى رەسەي فەدەراتسياسىمەن اراداعى شەكارادا تۇر. ماسەلەن, ءبىز تۇراتىن بالقۇدىق ەلدى مەكەنى اۋدان ورتالىعى – قۇرمانعازى اۋىلىنان شامامەن 260 شاقىرىم جەردە ورنالاسقان. ەلىمىز تاۋەل­سىزدىك العانىنا 30 جىلدان اسسا دا, ءۇش وكرۋگتەگى 9 ەلدى مەكەننەن اۋدان ورتالىعىنا, نە ودان كەرى جەتۋدىڭ قيىندىعىن كورىپ كەلەمىز. بۇل ارينە جولدىڭ ناشارلىعىنان تۋىنداپ وتىر. اسىرەسە اياعى اۋىر ايەلدەرگە قيىن. ويتكەنى اۋىلدا ۋچاسكەلىك اۋرۋحانا, پەرزەنتحانا جوق.

ال شاعىن جانە ورتا كاسىپكەرلىككە بەت بۇرعاندارعا تىپتەن وڭاي ەمەس. اۋىلىمىزدا اۋىز سۋ ماسەلەسى دە تۇپكىلىكتى شەشىلەر ەمەس. قوياندى توپتىق سۋ قۇبىرىنان اۋىلعا دەيىن جەلى تارتىلعان. كەزىندە «تازا سۋ», «اقبۇلاق» باعدارلامالارىمەن ءبىراز شارۋا جاسالعانداي بولعان ەدى. الايدا تۇرعىنداردىڭ كوپشىلىگى ءالى كۇنگە اۋىز سۋدى اۋلاسىنداعى قۇدىققا كولىكپەن قۇيدىرىپ وتىر. ءۇش توننا سۋ – 1800 تەڭگە.

پرەزيدەنت ء«بىزدىڭ باستى بايلىعىمىز – ادام. سوندىقتان ازاماتتاردىڭ يگىلىگى ءۇشىن بارلىق جاعدايدى جاساۋ اسا ماڭىزدى» دەپ ماسەلە كوتەردى. ەندى ۇكىمەت شەكاراداعى اۋىل­داردا تۇراتىن ادامداردىڭ جاعدايىن جاق­سارتۋدى قولعا الۋعا ءتيىس. ءبىزدىڭ اۋىلى­­­مىزعا سەنات پەن ءماجىلىستىڭ دەپۋتاتتارى تالاي رەت كەلىپ, پروبلەمامىزدى كور­دى. تۇرعىنداردىڭ جانايقايىن ەستىدى. ءۇش وكرۋگتەگى تۇرعىنداردىڭ پروبلەماسىن مي­نيستر­لىكتەردىڭ وكىلدەرى دە بىلەدى.

كەزىندە بۇل ماسەلەلەردى قۇرمانعازى اۋداندىق ءماسليحاتىنىڭ دەپۋتاتى رەتىندە اۋدان, وبلىس اكىمدەرىنىڭ نازارىنا تالاي رەت سالدىم. بىراق «باياعى جارتاس – سول جارتاس» كۇيىندە قالىپ, اسىرەسە جاستاردىڭ اۋىلدا تۇراقتاماۋىنا اسەرىن تيگىزىپ وتىر. شەكاراداعى اۋىلداردىڭ الەۋمەتتىك پروبلەماسى وڭ شەشىلمەسە, بولاشاقتا تۇرعىندار ۇدەرە كوشىپ كەتۋى مۇمكىن. سول سەبەپتەن ۇكىمەت وسى ماسەلەگە نازار اۋدارىپ, ەلدىڭ شەكاراسى بوس قالماۋىن ويلاستىرۋعا ءتيىس.

مانسۇر قۋانىءشالين,

بالقۇدىق اۋىلىنىڭ تۇرعىنى

اتىراۋ وبلىسى,

قۇرمانعازى اۋدانى