تارازدا 1 جەلتوقساننان باستاپ «سەرگەك» جۇيەسى قوسىلادى, دەپ حابارلايدى Egemen.kz.
جوبا بويىنشا بەينەكامەرالاردى قوعامدىق ورىنداردا, قالانىڭ قىلمىسقا بەيىم ايماقتارىندا, مەكتەپتەر ماڭىندا, تۇرعىن ۇيلەردىڭ اۋلالارىندا ورناتۋ قاراستىرىلعان.
قالادا بارلىعى 1250 جالپى بەينەباقىلاۋ كامەراسىن, 48 اپپاراتتىق-باعدارلامالىق جۇيەنى ورناتۋ جوسپارلانۋدا.
«جۇيە باعدارشامدا ءجۇرۋ, جىلدامدىقتى ارتتىرۋ, توقتاۋ سىزىعىنان ءوتۋ, بولىنگەن جولاقپەن ءجۇرۋ سياقتى جول قوزعالىسى ەرەجەلەرىن بۇزۋدى تىركەيدى. بۇزۋشىلىقتى تۇزەتۋ اۆتوماتتى تۇردە جۇزەگە اسادى. سودان كەيىن ءتارتىپ بۇزۋشىلىق فاكتىسى تۋرالى دەرەكتەر پوليتسياعا جىبەرىلەدى. ەگەر پوليتسيا قىزمەتكەرى جۇرگىزۋشىنىڭ كىنالى ەكەنىنە كوز جەتكىزسە, زاڭبۇزۋشىلىقتى ءوزىنىڭ ەلەكتروندىق تسيفرلىق قولتاڭباسىمەن راستايدى. ايىپپۇلدان تۇسكەن اقشا قالالىق بيۋدجەتكە تۇسەدى», دەپ حابارلادى جامبىل وبلىسىنىڭ اكىمدىگى.
بارلىق قۇقىق بۇزۋشىلىقتار باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ اكىمشىلىك ءىس جۇرگىزۋدىڭ بىرىڭعاي تىزىلىمىنە اۆتوماتتى تۇردە تىركەلەدى.