قازاقستاندا 10 اي ىشىندە 948,5 مىڭ توننا ەت ءوندىرىلدى. وتكەن جىلمەن سالىستىرعاندا, بۇل كورسەتكىش ورتا ەسەپپەن 0,5%-عا ءوستى, دەپ حابارلايدى Egemen.kz اۋىل شارۋاشىلىعى مينيسترلىگىنە سىلتەمە جاساپ.
بۇل رەتتە جىلقى ەتىنىڭ ءوندىرىسى - 4,8%-عا ءوستى. بۇل 114,1 مىڭ توننانى قۇرايدى. سونداي-اق قۇس ەتى 2,9%-عا ءوسىپ, 239,6 مىڭ توننانى قۇرادى. جىل باسىنان بەرى 400,1 مىڭ توننا سيىر ەتى, 113,7 مىڭ توننا قوي ەتى, شامامەن 61.2 مىڭ توننا شوشقا ەتى ءوندىرىلدى.
بيىلعى جىلدىڭ قىركۇيەگىنە قاراي ەت ەكسپورتى 1 ملن دوللارعا جەتتى. ەكسپورتتىڭ باسىم بولىگى سيىر ەتىنە تيەسىلى - 13,5 مىڭ توننا, سونداي-اق شەتەلگە 6,7 مىڭ توننا قوي ەتى مەن 9,5 مىڭ توننا قۇس ەتى ساتىلدى.
سونداي-اق الىس جانە جاقىن ەلدەردەن بارلىق تۇردەگى 110 مىڭ توننا ەت يمپورتتالدى. يمپورتتىڭ باسىم بولىگى, ياعني 97,5 مىڭ توننا - قۇس ەتىنە تيەسىلى.