اۋىل تۇرلەنە تۇسەدى

مەملەكەت باسشىسى انت قابىلداعان­نان كەيىن الداعى جوسپارلاردى ناقتى تىزبەكتەپ بەردى. اسىرەسە العاشقى جارلىقتىڭ اۋىلدىڭ الەۋەتىن ارتتىرۋمەن بايلانىستى بولعانى كوپشىلىكتىڭ كوڭىلىنەن شىقتى. شىنى كەرەك, ەلىمىزدەگى قوردالانعان ماسەلەلەردىڭ باسىم بولىگى اۋىلدىق جەرلەردە. اۋىلداردىڭ دامۋىنا جاعداي جاساۋ – مەملەكەتتىك ساياساتتىڭ اسا ماڭىزدى ستراتەگيالىق ماقساتتارىنىڭ ءبىرى. اۋىل تۇرعىندارىنىڭ ءومىر ءسۇرۋ ساپاسى مەن ءال-اۋقاتىن جاقسارتۋ جانە اۋىلداردىڭ ينفراقۇرىلىمىن دامىتۋ – ماڭىزدى ءىس. مەملەكەت باسشىسى ءوز سوزىندە: «وسى قۇجات ارقىلى ۇكىمەتكە اۋىلدى دامىتۋدىڭ 5 جىلعا ارنالعان ناقتى جوسپارىن ازىرلەۋدى تاپسىرامىن. بۇل مەنىڭ جاڭا پرەزيدەنتتىك مەرزىمدەگى ءبىرىنشى جارلىعىم بولادى. ۇكىمەت اۋىلدى دامىتۋعا ارنالعان بارلىق جوبانى جۇيەلى تۇردە رەتتەپ, جيناقتاۋعا ءتيىس. سودان كەيىن ماقساتتى تۇردە ءتيىمدى جۇمىس جۇرگى­زەمىز», دەدى. ياعني الداعى بەس جىلدا اۋىل­داردىڭ اجارى ارتىپ, تۇرعىنداردىڭ تۇر­مىس ساپاسى جوعارى بولادى دەگەن سەنىم مول. سوڭعى جىلدارى «اۋىل – ەل بەسىگى» باع­دارلاماسى شەڭبەرىندە تاۋەلسىزدىك العان جىل­داردان بەرى جوندەۋ كورمەگەن اۋىلعا كىرە­بەرىس جولدارعا اسفالت توسەلىپ, تۇرعىن­دار مارە-سارە كۇي كەشىپ جاتقانى راس. قالا بەردى, اۋىلداعى الەۋمەتتىك عيمارات­تار جاڭارتىلىپ, جاڭا نىساندار سالى­نىپ, يگى ىستەر جالعاسىن تاۋىپ جاتىر. مەم­لە­كەت باسشىسىنىڭ جارلىعىنان كەيىن بۇل باعىتتاعى جۇمىستار جاڭاشا قارقىن الىپ, اۋىلدار كوركەيە تۇسەتىنىنە سەنىمدىمىن.

الەمدىك ساياسات الماعايىپ كۇي كەشىپ تۇرعان كەزەڭدە جاڭا رەفورمالارمەن حالىقتىڭ ءال-اۋقاتىن جاقسارتۋعا تالپىنۋ وڭاي شارۋا ەمەس. مۇنداي ساتتە ەلدىڭ بىرلىگى, ىن­تىماعى اسا ماڭىزدى. ء«بىر جاعادان باس, ءبىر جەڭنەن قول» شىعارىپ, ەلدىڭ ەرتەڭ­ىنە نىق سەنىممەن قاراپ, مەملەكەت باس­شى­سىنىڭ ساياساتىن قولداۋ ارقىلى بولا­شاعىمىزدى باياندى ەتۋگە مۇمكىندىك زور.

جارقىنبەك امانتاي,

پاۆلودار وبلىستىق ءماسليحاتىنىڭ دەپۋتاتى