قازاقستان رەسپۋبليكاسى پرەزيدەنتىن سالتاناتتى تۇردە ۇلىقتاۋ راسىمىنە قاتىستىم. پروتسەسس بۇرىنعىلاردان وزگەشە ءوتتى جانە سولاي وتكەنى دە دۇرىس بولدى.
ءبىرىنشى, داڭعازالىق از بولدى. ەكىنشى, قاسىم-جومارت توقاەۆ جينالعان حالىقتى شۋلاتىپ زال ورتاسىنان ەمەس, قاراپايىم تۇردە قاپتالداعى ەسىكتەن كىردى. ءۇشىنشى, موينىنا جىلتىراق تاققان جوق. ءتورتىنشى, بايانداماسى قىسقا جانە ناقتى بولدى. بەسىنشى, ەڭ باستىسى, ۇلىقتاۋ اياقتالعاسىن «ەسكى گۆارديامەن» امانداسپاي, قۇشاقتاسپاي, سەلفي جاساماي, «ال ەندى جۇمىس ىستەيىك» دەگەندەي يشارا ءبىلدىرىپ, زالدان قاراپايىم تۇردە شىعىپ كەتتى.
وتىرىكتى قويىپ, جەبىرلەر مەن جەمقورلاردى تىيىپ, بۇرىنعى كلانداردى بايلىقتىڭ «قارا قازانىنان» ايىرىپ, مەملەكەت باسشىسىمەن بىرلەسىپ, اقيقاتتى ايتىپ, وتان ءۇشىن جۇمىس ىستەيتىن ۋاقىت كەلدى. بىزدە باسقا جول قالعان جوق!
ەدىل جاڭبىرشين,
ءماجىلىس دەپۋتاتى