فۋتزالدان قازاقستاننىڭ 19 دۇركىن جەڭىمپازى, چەمپيوندار ليگاسىندا ەكى مارتە توپ جارعان الماتىنىڭ «قايراتى» قاتارىنان ەكىنشى جىل «تورتتىك فينالعا» شىعا المادى.
بيىلعى چەمپيوندار ليگاسىنىڭ توپتىق كەزەڭىندە پورتۋگاليانىڭ «بەنفيكا», مالتانىڭ «ليۋكسول سەنت-ەندريۋس» جانە چەحيانىڭ «حرۋديم» كوماندالارىمەن ءبىر توپتا ونەر كورسەتكەن قازاقستاندىق كلۋب بىردە-ءبىر ويىندا جەڭىسكە جەتە الماي, جانكۇيەرلەرىن جەرگە قاراتتى. ءبىرىنشى تۋردا «ليۋكسول سەنت-ەندريۋسپەن» تەڭ تۇسكەن (0:0) «قايرات» ەكىنشى جانە ءۇشىنشى تۋردا «حرۋديم» مەن «بەنفيكادان» 2:1 ەسەبىمەن جەڭىلىپ قالدى.
ءسويتىپ, ءۇش ويىندا نەبارى ءبىر-اق ۇپاي جيناعان الماتىلىق ۇجىم ءوز توبىندا سوڭعى ورىندا قالىپ قويدى. ال ەكى ويىندا جەڭىسكە جەتىپ, بىرەۋىندە ۇپاي بولىسكەن «بەنفيكا» 7 ۇپايمەن ءتۋرنيردىڭ فينالدىق ساتىسىنا جولداما الدى. وسىلايشا, «قايرات» قاتارىنان ەكىنشى جىل «تورتتىك فينالدان» تىس قالدى.