بۇگىن «ومبى-مايقاپشاعاي» تاس جولىندا قاراتال اۋىلىنا قاراي ونداعان جۇك فۋرگونى قار قۇرساۋىندا قالىپ قويدى, دەپ حابارلايدى Egemen.kz شقو تجد ءباسپاسوز قىزمەتىنە سىلتەمە جاساپ.
«جۇرگىزۋشىلەردىڭ قاتتى اياز بەن اۋا رايىنىڭ قولايسىزدىعىنا نەمقۇرايدى كاراۋى توتەنشە جاعدايعا اكەپ سوقتى. 25-ءوسب قۇتقارۋشىلارى ولارعا كومەككە كەلدى. 16 اۋىر جۇك جۇرگىزۋشىسىنىڭ بىرىنە مەديتسينالىق كومەك قاجەت بولدى. ەر ادامنىڭ قولى ازداپ ءۇسىپ قالعان. ول جاقىن جەردەگى مەديتسينالىق مەكەمەگە جەتكىزىلدى», دەلىنگەن حابارلامادا.
ول العاشقى كومەك العاننان كەيىن ۇيىنە قايتارىلدى, اۋرۋحاناعا جاتۋدىڭ قاجەتى بولمادى. قالعان جۇرگىزۋشىلەردى قۇتقارۋشىلار قاراتال اۋىلىنا «كۋنگ» ارنايى كولىگىمەن جەتكىزدى. قازىر ولارعا ەشقانداي قاۋىپ جوق, ولار قوناقۇيدە.
شقو تجد بىرنەشە كۇن بويى وڭىردەگى جەل, بوران جانە اياز تۋرالى حابار تاراتقان بولاتىن. الايدا ازاماتتار ەلدى مەكەندەردەن كەتىپ, قيىنشىلىققا تاپ بولدى. قۇتقارۋشىلار تۇرعىنداردان ساپارلاردان باس تارتۋدى جانە ولاردى كەيىنگە قالدىرۋدى سۇرادى.
جولداردىڭ جاي-كۇيى تۋرالى دارمەن ءموبيلدى قوسىمشاسىنان بىلۋگە بولادى. توتەنشە جاعداي كەزىندە 112 ءنومىرى بويىنشا حابارلاۋ قاجەت.