مەملەكەت باسشىسى بيىل قاسيەتتى مەككەگە بارعان كەزدە قاعبا تورىندە اتا-بابا رۋحىنا قۇران باعىشتاپ, اللادان ءبىر-اق نارسە سۇراعانىن ايتتى, دەپ حابارلايدى Egemen.kz.
«قازىرگى زامان ۋاقىتتى جىلدامداتىپ, وقيعالار تىزبەگىن قاباتتاستىرادى. ءسوزىمىز بەن ءىسىمىزدىڭ شىنايى باعاسىن تاريح تارازىسى عانا بەرەدى. ار-ۇجدانىمىزدىڭ تازالىعى مەن حالقىمىزدىڭ قۇرمەتى – ءبارىمىز ءۇشىن ۇلكەن سىي. ءبىز – رۋحاني مۇراسى باي, قارقىندى دامۋ الەۋەتى زور, قۋاتتى ءارى ءوزىن-ءوزى تولىق قامتاماسىز ەتە الاتىن ۇلتپىز. شىعىستىڭ ۇلى ۇستازى ءال-فارابي ادامداردى ءادىل بولۋعا, اقيقاتتى سۇيۋگە, ار-نامىستى قاستەرلەۋگە, سابىرلى بولۋعا جانە قاشان دا بىلىمگە ۇمتىلۋعا ۇندەدى», دەدى مەملەكەت باسشىسى.
وسى ورايدا ول ىرىستى ىنتىماعىمىزدى ساقتاي بىلسەك, الىنبايتىن اسۋ جوعىن ايتتى.
«مەملەكەتتىلىگىمىزدىڭ دامۋىندا قۋاتتى سەرپىلىس جاساي العان ۇرپاق رەتىندە تاريحتا قالۋعا زور مۇمكىندىگىمىز بار ەكەنىنە سەنىمدىمىن. ەلدىڭ كەلەشەگى بىزگە, بارلىعىمىزدىڭ قاجىرلى ەڭبەگىمىزگە بايلانىستى. تاۋەلسىز ەلىمىزدى قۋاتتى مەملەكەت رەتىندە ۇرپاققا اماناتتاۋ – ءبىزدىڭ بورىشىمىز. الدا تالاي سىناقتار, كۇردەلى كەزەڭدەر بولۋى مۇمكىن. دەگەنمەن ىرىستى ىنتىماعىمىزدى ساقتاي بىلسەك, الىنبايتىن اسۋ جوق», دەدى پرەزيدەنت.
بۇدان سوڭ, ول بيىل قاسيەتتى مەككەگە بارعان كەزدە قاعبا تورىندە اتا-بابا رۋحىنا قۇران باعىشتاپ, اللادان ءبىر-اق نارسە – ەلدىڭ اماندىعىن سۇراعانىن ايتتى.