ۇلىقتاۋ راسىمىندە قاسىم-جومارت توقاەۆ ەڭ الدىمەن قولعا الاتىن بىرنەشە ماسەلەگە ارنايى توقتالدى, دەپ حابارلايدى Egemen.kz.
«قازىر – سايلاۋداعى جەڭىستى تويلايتىن كەز ەمەس, ايانباي ەڭبەك ەتەتىن كەز. سول سەبەپتى, ارقانى كەڭگە سالماي, بىردەن ىسكە كىرىسۋىمىز كەرەك, بوساڭسۋعا بولمايدى. وسى ورايدا, ەڭ الدىمەن قولعا الاتىن بىرنەشە ماسەلەگە ارنايى توقتالعىم كەلەدى. مەن سايلاۋالدى سوزدەرىمدە اۋىلدى وركەندەتۋ ىسىنە باسا نازار اۋداردىم. بۇگىندە قازاقستان حالقىنىڭ 40 پايىزعا جۋىعى اۋىلدا تۇرادى. «اۋىل – ەل بەسىگى» دەپ حالقىمىز بەكەر ايتقان جوق. سوندىقتان, اۋىلداعى جاعدايدى جاقسارتا الماساق – بارىمىزگە سىن. سول ءۇشىن مەن بۇگىن اۋىلدى دامىتۋ ماسەلەسى تۋرالى جارلىققا قول قويامىن. وسى قۇجات ارقىلى ۇكىمەتكە اۋىلدى دامىتۋدىڭ 5 جىلعا ارنالعان ناقتى جوسپارىن ازىرلەۋدى تاپسىرامىن», دەدى پرەزيدەنت. بۇل مەملەكەت باسشىسىنىڭ جاڭا پرەزيدەنتتىك مەرزىمدەگى ءبىرىنشى جارلىعى بولادى.
«ۇكىمەت اۋىلدى دامىتۋعا ارنالعان بارلىق جوبانى جۇيەلى تۇردە رەتتەپ, جيناقتاۋعا ءتيىس. سودان كەيىن ماقساتتى تۇردە ءتيىمدى جۇمىس جۇرگىزەمىز», دەدى ق. توقاەۆ.