بۇل تۋرالى مەملەكەت باسشىسى قاسىم-جومارت توقاەۆ ۇلىقتاۋ راسىمىندە ايتتى, دەپ حابارلايدى Egemen.kz.
ء«بىز حالىقتىڭ تىلەگى مەن زامان تالابىنا ساي ءتيىمدى مەملەكەت قۇرۋعا مىندەتتىمىز. بۇل – ماڭىزدى تاريحي مىندەت. مەملەكەتتىك قىزمەتكە ناقتى سەكتوردان مەريتوكراتيا جانە اشىق باسەكەلەستىك قاعيداتتارىنا ساي ىرىكتەۋدەن وتكەن جاڭا باسقارۋشى ازاماتتاردى الامىز. پرەزيدەنتتىك كادر رەزەرۆىنىڭ مۇشەلەرىن بەلسەندى تۇردە تارتامىز», دەدى پرەزيدەنت.
وسى رەتتە ول ەلدىڭ باستى بايلىعى ادام ەكەنىن ەسكە سالدى. سوندىقتان ازاماتتاردىڭ يگىلىگى ءۇشىن بارلىق جاعداي جاسالاتىنىن ايتتى.
«ەلىمىز دامۋ جولىندا, نەگىزىنەن, ءوز كۇشىنە سەنەدى. سونىمەن قاتار شەتەلدەن تىكەلەي ينۆەستيتسيا تارتا وتىرىپ, ءتۇرلى سالاداعى حالىقارالىق ىنتىماقتاستىقتى بەلسەندى تۇردە دامىتادى», دەدى ق.توقاەۆ.