2022 جىلدىڭ 10 ايىندا مەملەكەتتىك بيۋدجەتكە سالىق تۇسىمدەرى بويىنشا جوسپاردىڭ 103,4 پايىزى ورىندالدى. بۇل تۋرالى قر قم مەملەكەتتىك كىرىستەر كوميتەتىندە حابارلادى, دەپ جازادى Egemen.kz.
جوسپار بويىنشا 11 316,8 ملرد تەڭگە بەلگىلەنىپ, 382,0 ملرد تەڭگەگە اسىرا ورىنداۋمەن 11 698,8 ملرد تەڭگە ءتۇستى, وتكەن جىلعى ۇقساس كەزەڭىمەن سالىستىرعاندا 1,4 ەسە نەمەسە 3 400,2 ملرد تەڭگەگە ءوستى, ونىڭ ىشىندە:
رەسپۋبليكالىق بيۋدجەت 101,1% ورىندالدى (جوسپار بويىنشا 7 867,3 ملرد تەڭگە, 89,3 ملرد تەڭگەگە اسىرا ورىنداۋمەن 7 956,6 ملرد تەڭگە ءتۇستى), وتكەن جىلعى ۇقساس كەزەڭىمەن سالىستىرعاندا 1,5 ەسە نەمەسە 2 518,5 ملرد تەڭگەگە ءوستى.
جەرگىلىكتى بيۋدجەت 108,5% ورىندالدى (جوسپار بويىنشا 3 449,5 ملرد تەڭگە, 292,8 ملرد تەڭگەگە اسىرا ورىنداۋمەن 3 742,2 ملرد تەڭگە ءتۇستى) 2021 جىلعى ۇقساس كەزەڭىمەن سالىستىرعاندا 30,8% نەمەسە 881,7 ملرد تەڭگەگە ءوستى.
2021 جىلعى ۇقساس كەزەڭىمەن سالىستىرعاندا رەسپۋبليكالىق بيۋدجەتكە تۇسىمدەردىڭ مۇنايعا سالىناتىن ەكسپورتتىق كەدەندىك باجدار جانە ءۇشىنشى ەلدەردەن يمپورتقا ققس بويىنشا 1,7 ەسە, ىشكى ءوندىرىس تاۋارلارىنا ققس 57,2%-عا, كورپوراتيۆتى تابىس سالىعى 51,8%-عا, پايدالى قازبالار وندىرىسىنە سالىناتىن سالىق 24,1%-عا جانە ەاەو ەلدەرىنەن يمپورتقا ققس 16,9%-عا ءوسۋى بايقالادى.
تۇسىمدەردىڭ وسۋىنە مىناداي فاكتورلار اسەر ەتتى.
2022 جىلى 10 ايدا وتكەن جىلعى ۇقساس كەزەڭمەن سالىستىرعاندا نەگىزگى ەكسپورتتىق پوزيتسيالارعا, ونىڭ ىشىندە مۇنايعا 46,9%, مىرىشقا 21,9%, اليۋمينيگە 13,9% جانە التىنعا 0,6% باعانىڭ ءوسۋى بايقالادى. شيكى مۇنايعا سالىناتىن كەدەندىك اكەتۋ باجىنىڭ مولشەرلەمەسى 43,1%-عا ءوستى (1 توننا ءۇشىن ورتاشا مولشەرلەمەسى 2021 جىلعى 10 ايىندا – 61,5$, 2022 جىلعى 10 ايىندا 1 توننا ءۇشىن – 88,0$).
بيىلعى جىلدىڭ 10 ايىندا ءۇشىنشى ەلدەرمەن تاۋار اينالىمى 43,6%-عا ءوستى (ەكسپورت 48,3%-عا, يمپورت 32,5%-عا ءوستى).
وتكەن جىلعى ۇقساس كەزەڭىمەن سالىستىرعاندا 2022 جىلعى 10 ايدا وتكىزۋ بويىنشا اينالىم 22,0%-عا ۇلعايدى.