كەيىنگى ۋاقىتتا ەلىمىزدە شىعارماشىل جاستاردى قولداۋ ماقساتىنداعى ءتۇرلى جوبا كوبەيىپ كەلەدى. مەملەكەت باسشىسى قاسىم-جومارت توقاەۆتىڭ تىكەلەي تاپسىرماسىمەن قولعا الىنىپ جاتقان باستامالار بۇل كۇندە ناتيجەسىن بەرىپ تە ۇلگەردى.
وسى ورايدا مادەنيەت جانە سپورت مينيسترلىگى ۇيىمداستىرعان Astana Piano Passion رەسپۋبليكالىق جاس پيانيستەر بايقاۋىن ەرەكشە اتاپ وتكىمىز كەلەدى. كۇنى كەشە عانا ەل استاناسىندا جەڭىمپازدارى ماراپاتتالعان ونەر دوداسىندا ەسىمىن ەل بىلە قويمايتىن بىرقاتار تالانتتى پيانيست جارقىراي كورىندى.
بيىل تۇڭعىش رەت وتكىزىلىپ وتىرعان بايقاۋعا 7 جاستان 17 جاسقا دەيىنگى جاس ورەندەر قاتىستى. ناتيجەسىندە, ءوز شەبەرلىگىمەن وزا شاپقان الماتى قالاسىنان كەلگەن 15 جاستاعى جۇلدىز ەرجەڭىس Astana Piano Passion گران-پري يەگەرى اتانىپ, 3 000 000 تەڭگەگە يە بولدى. بۇل جاستار اراسىنداعى شىعارماشىلىق بايگەلەردىڭ اراسىندا اۋقىمدى سىيلىق ەكەنىن دە ايتا كەتەيىك. سونداي-اق باس جۇلدەگەرگە «استانا وپەرا» تەاترىنىڭ كامەرالىق زالىندا جەكە كونتسەرت ۇيىمداستىرۋعا ءھام ماەسترو الان بورىباەۆتىڭ جەتەكشىلىگىمەن سيمفونيالىق كونتسەرتكە قاتىسۋعا مۇمكىندىك بەرىلدى.
«مادەنيەت سالاسىنداعى ماڭىزدى باعىتتاردىڭ ءبىرى – ەلىمىزدەگى جاس تالانتتاردى قولداۋ, ولاردىڭ شىعارماشىلىعىنا جول اشۋ. بۇگىن جەڭىمپاز اتانعان ۇل-قىزدارىمىز بولاشاقتا الەم ساحنالارىن باعىندىرا الاتىنىنا سەنىمدىمىن. الداعى ۋاقىتتا ءىس-شارا اۋقىمىن بۇدان دا كەڭەيتۋىمىز كەرەك. سەبەبى مۋزىكادا شەكارا بولمايدى, كەز كەلگەن اۋەننىڭ ءتىلى بارشا حالىققا ورتاق», دەدى مادەنيەت جانە سپورت ءمينيسترى داۋرەن اباەۆ گالا-كونتسەرتتە.
ايتا كەتەيىك, بايقاۋ قورىتىندىسى بويىنشا ءۇش جاس ساناتى بويىنشا ۇزدىك مۋزىكانتتار جۇلدەلى ورىندارعا يە بولدى. بارلىعىنا اقشالاي سەرتيفيكاتتار تابىستالدى. كىشى توپتا ءى ورىن مەن 1 000 000 تەڭگە جانسايا وڭعارباەۆاعا (پەداگوگ جاننا زدورنوۆا) بۇيىردى. ءىى ورىن مەن 600 000 تەڭگە امان دۇيسەكەەۆكە (پەداگوگ مەنزيا داۋكەەۆا) بەرىلدى. ءىىى ورىن مەن 400 000 تەڭگەنى بەكسۇلتان كوپباي الدى (ۇستازى حاديچا بەكيشەۆا). سونداي-اق تيمۋر لەۆۋشين بايقاۋدىڭ ديپلومانتى اتاندى (پەداگوگ اننا پەستوۆا).
ال ورتا توپتا ءى ورىن مەن جۇلدەلى 1 500 000 تەڭگەنى الەكساندر ۆولوكيتين يەلەندى (پەداگوگ سۆەتلانا كورنەۆا). ءىى ورىن مەن 900 000 تەڭگەنى ايتورە ازامات ۇلى مەن ايدار شايحوۆ ءوزارا ءبولىستى. ولاردىڭ وقىتۋشىلارى – گۇلنار پاك جانە شولپان قاراجىگىتوۆا. ءىىى ورىن مەن 600 000 تەڭگە مارلەن الداباەۆقا, دۋلاتي ليا مەن تولەمىس التايرگە بۇيىردى (پەداگوگ ماريا ياششەنكو). بۇدان بولەك بىرقاتار جاس پيانيست ارنايى ديپلوممەن ماراپاتتالدى.
ەرەسەك توپتاعى ءى ورىن مەن 2 000 000 تەڭگەنى باتىرجان تانكەەۆ جەڭىپ الدى (ۇستازى سارا شاكىرقىزى). ال 1 200 000 سىياقىسى بار ءىى ورىندى دانيال دۇيسەمباەۆ پەن محيتاريان اشوت ءبولىستى (پەداگوگتەر – سۆەتلانا سۇراپبەرگەنوۆا جانە الەكساندرا ناۋموۆا). 800 000 تەڭگەنى قۇراعان ءىىى ورىندى بەكمىرزا جاناس پەن تيموفەي وتەگەنوۆ يەلەندى (وقىتۋشىلار – دانا ءالي جانە التاي قۇسايىنوۆ). مۇندا دا بىرقاتار قاتىسۋشى ديپلومانت اتانىپ, ارنايى ديپلومدار تابىستالدى.
ال ء«ۇمىت» ارنايى سىيلىعى جاندار سەرىكحانعا تاپسىرىلدى.