ۋنيۆەرسيتەت

«ەگەمەن قازاقستان» گازەتىنىڭ اقپارات ورتالىعىن اشتى

بۇل كۇندەرى ەلىمىزدەگى ىرگەلى ءبىلىم ورداسى ءال-فارابي اتىنداعى قازاق ۇلتتىق ۋني­ۆەرسيتەتى 80 جىلدىعىن اتاپ وتۋدە. وسىعان وراي اۋقىمدى كەزەڭدى ارتقا تاستاعان بايىرعى قاراشاڭىراقتا ايتۋلى وقيعالار لەگى ءجۇرىپ جاتىر. سونىڭ ءبىرى – ەلىمىزدىڭ باس گازە­تىنىڭ بيىل اتاپ وتەتىن 95 جىلدىعى مەن ۋنيۆەرسيتەتتىڭ 80 جىلدىق مەرەيتويىنا وراي ۇيىمداستىرىلعان «ەگەمەن قازاقستان» – ەل گازەتى» اتتى ءىس-شارا. وسى ارادا ايتا كەتۋ كەرەك, بۇل كۇندە باق-تىڭ بەلدى وكىلدەرى, ەلگە تانىلعان جۋرناليستەردىڭ باسىم بولىگى قازۇۋ تۇلەكتەرى بولىپ تابىلادى. سوندىقتان دا گازەتىمىزدىڭ وكىلدەرى كەشەگى ستۋدەنتتىك شاق­تىڭ كۋاسى بولعان ۇلتتىق ۋنيۆەر­سيتەتتە وتكەن كەزدەسۋگە تاعزىم ەتە بارۋى زاڭدىلىق ەدى. وسىناۋ ايتۋلى شاراعا «ەگە­مەن قازاقستان» رەسپۋبليكالىق گازەتى» اق پرەزيدەنتى ساۋىت­بەك ابدراحمانوۆ ارنايى كەلىپ, ستۋدەنتتەرمەن كەزدەسىپ, ءوز زامانىنا قاراي بەيىمدەلگەن جاڭا قازۇۋ قالاشىعىن ارالاپ, اۋىز تولتىرىپ ايتارلىقتاي تىندىرىمدى تىرلىكتەردى كوردى. اتا گازەت پەن بايىرعى ۋني­ۆەر­سيتەتتىڭ سالتاناتتى توعىسۋىندا رەكتور عالىمقايىر مۇتان ۇلى «ەگە­مەن قازاقستان» گازەتىنىڭ ءداۋىر­لى كەزەڭدەرى تۋرالى ءسوز قوز­عاپ, باسىلىم شەجىرەسى جايلى جاس­تارعا اقپار بەردى. «وسىناۋ مەرەيلى مەرەكەلەر تۇسىندا عىلىم-ءبىلىم ورداسى مەن بۇگىنگى قازاق ءباسپاسوزىنىڭ كوشباسشىسى, بۇگىنگى وكىلدەرى وتكەن كۇندەر ورنەكتەرىنە زامانا كوزىمەن شولۋ جاساي وتىرىپ, بولاشاققا باعدار سىلتەۋگە ءتيىستى دەپ ويلايمىن. سەبەبى, قا­زاق رۋحانياتىنىڭ ەكى الىپ بايتە­رە­گىنىڭ التىن تامىرلارى تاريح تەرەڭىندە ءتۇيىسىپ جاتقانداي», دەدى رەكتور. وسىدان كەيىن «ەگەمەن قا­زاق­ستان» گازەتىنىڭ باسشىسى ساۋىتبەك ابدراحمانوۆ ستۋدەنتتەرگە زامانا اعىسى, باسىلىم باعدارى, باق-تىڭ كەلەشەگى, بۇگىنگى كۇننىڭ كوكەيكەستى ماسەلەلەرى جايىندا اڭگىمەلەپ بەردى. ستۋدەنتتەردىڭ جۋرناليستيكاعا قاتىستى ساۋالدارىنا جاۋاپ بەردى. سالتاناتتى جيىندا ەكىجاقتى ىنتىماقتاستىق مەموراندۋمىنا قول قويىلدى. سول سياقتى قازۇۋ عىلىمي كىتاپحاناسىنىڭ ەگە­مەن­قا­زاقستاندىقتار شىعار­م­ا­شى­لىعىنا ارنالعان كورمەسى ۇيىم­داستىرىلدى. «ەگەمەن قازاقستان» گازەتىندەگى قازۇۋ شەجىرەسى» اتتى بەينەفيلم كورسەتىلدى. سونى­مەن قاتار, قوناقتارعا ارناپ ستۋ­دەنتتەر اننەن شاشۋ شاشىپ, جىر شۋماقتارىن ارنادى. ايتۋ­لى وقيعا اياسىندا ساۋىت­بەك ابدراحمانوۆقا قازۇۋ-ءدىڭ 80 جىل­دىق مەرەيتوي مەدالى تابىس ەتىلدى. باسىلىمنىڭ بىرقاتار جۋر­نا­ليستەرى ۋنيۆەرسيتەتتىڭ العىس حاتتارىنا لايىق دەپ تابىلدى. ءدال وسى كۇنى جۋرناليستيكا فا­كۋلتەتىندە «ەگەمەن قازاقستان» اقپارات ورتالىعى اشىلدى. ەن­دىگى جەردە وسى ورتالىقتىڭ كو­مەگىمەن ۋنيۆەرسيتەتتىڭ جۋرناليستيكا فاكۋلتەتى رەداكتسيامەن تىعىز قارىم-قاتىناس ورناتىپ, ستۋدەنتتەرىن تاجىريبەدەن وتكىزىپ, شىعارماشىلىق بىرلەسكەن جوبالاردى جۇزەگە اسىرۋدى كوزدەپ وتىر. ايناش ەسالي, «ەگەمەن قازاقستان». الماتى.