ەكىنشى ءومىر سىيلاعان

ال باۋىر مۇشەسىن الماستىرعان ناۋقاس بەس جىلدان بەرى سوزىلمالى باۋىر تسيرروزىمەن ەسەپتە تۇرعان ەكەن. وسىلايشا, 1978 جىلى تۋعان مەگاپوليس تۇرعىنىنا قالالىق №1 كلينيكالىق اۋرۋحانا دارىگەرلەرى مايىتتەن الىنعان اعزانى ءساتتى قوندى­رىپ بەردى. وسى رەتتە ناۋقاس پەن ونىڭ تۋىس­تارى كۇردەلى وتا جاساعان كلينيكا اۋرۋحاناسىنىڭ بىلىكتى دارىگەرلەر كومانداسىنا زور العى­سىن ءبىلدىردى. وپەراتسيا­دان كەيىن جاع­دايى جاقسارعان ناۋقاس كەشە عانا رەا­نيماتسيالىق بولىمشەدەن جاي پالا­تاعا اۋىستىرىلدى.

راسىمەن دە مۇنداي وپەراتسيا ەلىمىزدىڭ وڭتۇستىك وڭىرىندە ءبىرىنشى رەت جاسالىپتى. ال ترانسپلانتاتسيالىق وتانىڭ جۇرگى­زىلۋىنە مارقۇمنىڭ تۋىستارىنىڭ ءمايىت دونورلىعىنا زاڭدى تۇردە بەرگەن كەلىسىمى سەبەپ بولعان.

وپەراتسيانى 16 قاراشا كۇنى تاڭعى ساعات تورتتەن باستادىق. ءمايىت دونورىنىڭ وزگە دە اعزالارى استانا مەن الماتى قالاسىنداعى ەمدەۋ مەكەمەلەرىنە سان­اۆياتسيانىڭ كومەگىمەن جونەلتىلدى. وتا ءساتتى اياقتالدى. ءتورتىنشى تاۋلىكتە ناۋ­قاس ورنىنان تۇرىپ, وزدىگىنەن جۇرە باس­تادى. قازىرگى تاڭدا جاعدايى ءبىرشاما ءتاۋىر. جالپى مەديتسينا پراكتيكاسىندا ءمايىت دونورلىعىنا بايلانىستى وپەراتسيا سيرەك جاسالادى. ءوز كەزەگىندە دو­نور جەتىسپەۋشىلىگى ماسەلەسى دۇنيە ءجۇزى بويىنشا بۇگىنگى تاڭدا وتە وزەكتى پروبلەمانىڭ ءبىرى سانالادى, – دەدى قالا­لىق №1 كلينيكالىق اۋرۋحاناسىنىڭ باس دارىگەرى ابىلاي دونباي. ايتا كەتۋ كەرەك, شىمكەنتتە اعزا الماس­تىرۋ بويىن­شا العاشقى وتا 2013 جىلى جا­سالعان. مىنە, سودان بەرى شاھاردا بۇيرەك, باۋىر ال­ماستىرۋ وپەراتسيالارى مەگاپوليس مەديتسي­ناسىنىڭ اجىراماس بولىگىنە اينالدى.

قالالىق №1 كلينيكالىق اۋرۋحانا­سىندا ەمدەۋ ماسەلەسىنە قاتىستى ءتۇرلى يگى ءىس-شارالار ۇيىمداستىرىلىپ تۇرادى. ماسەلەن, بيىل كلينيكا «ىزگىلىكتە جارى­سايىق» اتتى قورمەن ءوزارا مەموراندۋم ءتۇزىپ, سونىڭ ناتيجەسىندە 100 انا مەن ولار­دىڭ كىشكەنتاي بالالارىنا تەگىن مەديتسي­نالىق كومەكتەر كورسەتىلدى. انا­لار اقىسىز مەديتسينالىق تەكسەرۋدەن وتسە, مەكتەپ تابالدىرىعىن ەندى اتتاعان ەر بالالارعا تسيركۋمتسەزيا جاسالدى, ياعني سۇندەتتەلدى.

سونىمەن بىرگە كلينيكالىق اۋرۋحانادا وسى جىلى اقپارات الۋ ورتالىعى اشىلدى. وسى ورتالىق ارقىلى كەز كەلگەن ازامات وزىنە قاجەتتى بارلىق اقپاراتتى الا الادى. ءتىپتى كوڭىلىن سۇراپ كەلگەن ناۋقاستىڭ ەمدەۋشى دارىگەرى كىم, قاي بو­لىمشە, پالاتادا جاتقانىنا دەيىن بىلۋىنە بولادى. اقپاراتتىق ورتالىقتا, بىلىكتى دارىگەرلەر كەڭەس بەرەدى. ورتا مەديتسينا قىزمەتكەرلەرى دە ەمدەلۋشىنىڭ احۋالى تۋرالى جاعدايدى باياندايدى.

كلينيكالىق اۋرۋحانانىڭ باس دارى­­گەرى ا.دونبايدىڭ مالىمدەۋىنشە, بۇگىنگە دەيىن تىلىكسىز وتا جاسايتىن لاپروسكوپيالىق 5 اپپارات, تراۆموتولوگيادا قولدانىلاتىن ارتروسكوپيالىق جابدىق پەن زاماناۋي ۋدز اپپاراتتارى ساتىپ الىنعان. بۇعان قوسا جۋىردا عانا باس ميىنا, جۇرەككە وتا جاسايتىن انگيوگرافيالىق كابينەت اشىلدى. تۇساۋكەسەر راسىمىنە رەسپۋبليكاعا تانىمال دارىگەر سەرىك اقشولاقوۆتىڭ ءوزى كەلىپ قاتىستى. قازىرگى تاڭدا استانا تورىندەگى نەيروحيرۋرگيالىق ورتالىقتان اتتاي قا­لاپ الدىرعان 2 بىلىكتى مامان اتالعان كلينيكادا جەمىستى قىزمەت اتقارىپ جاتىر. نەيروحيرۋرگ دارىگەرلەردىڭ كومەگىمەن ج ۇلىن ومىرتقاسىنا, باس ميىنا كۇردەلى وتالار جاسالۋدا. سونداي-اق قالالىق №1 كلينيكالىق اۋرۋحاناسىنىڭ بازاسىن­دا تراۆموتولوگيا, ورتوپەديا قىزمەت­تەرى جاندانىپ كەلەدى. بۇل مەديتسينالىق كومەكتى دە جەرگىلىكتى تۇرعىندارعا ەل­وردا­لىق ماماندار كورسەتىپ وتىر. سول سەكىلدى رەسپۋبليكانىڭ باس قالاسىنان مۇرىن, تاماقتى ەمدەيتىن دارىگەر ارنايى شاقىرتىلدى. وسىعان وراي كلينيكادا لور بولىمشەسى اشىلدى. بۇعان دەيىن قالالىق №1 اۋرۋحانادا 180-نەن اسا بۇيرەك ورگا­­نى اۋىستىرىلىپتى. بۇدان بولەك وتىز شاق­تى باۋىر مۇشەسى ترانسپلانتاتسيالانعان. اۋرۋحانادا اپتا سايىن بۇيرەك, اي سا­يىن باۋىردى اۋىستىرۋ بويىنشا كۇردەلى وتالار جاسالادى. سوندىقتان باس دارىگەر ترانسپلانتولوگيا كلينيكانىڭ كۇن­دە­لىكتى جۇمىسىنا اينالعانىن ايتادى. ­جال­پى, كلينيكا شىمكەنتتەگى مەديتسينالىق ءتۋريزمدى وركەندەتۋ جولىندا ۇلكەن ءىس تىندىرىپ وتىر. سونىڭ ءبىر ايعاعى, وسى كۇندەرى بىلىكتى نەيروحرۋرگتەر تاجىكستان مەن كورشىلەس ەلدەردە وزدەرىنىڭ قانشا­ما شەبەرلىك ساباقتارىن وتكىزىپ ۇلگەر­دى. اتالعان مەملەكەتتەردەن شىمكەنتتەگى كلينيكادان ەم قابىلداۋعا ناۋقاستار دا كوپتەپ كەلۋدە.

ءوز كەزەگىندە قالالىق اۋرۋحانا شا­رۋاشىلىق جۇرگىزۋ قۇقىعىنداعى مەكەمە ساناتىندا بولعاندىقتان تاجىريبەسى بار, بىلىكتى مامانداردى سىرتتان شاقىرتادى. بۇدان باسقا دارىگەرلەردىڭ ۇزاق ۋاقىت وسىندا تۇراقتاپ قالۋى ءۇشىن كلينيكا باسشىلىعى ولارعا بارىنشا جاعداي جاساۋعا تىرىسىپ باعۋدا. ايتالىق, بىلىك­تىلىگى جوعارى مامانداردىڭ بارلىعىنا تۇراقتى جالاقسىنان بولەك قوسىمشا ۇستەمەاقى تولەۋ قاراستىرىلعان. جانە دە دارىگەرلەر اۋرۋحانادا زاماناۋي قۇرال-جابدىقتارمەن جۇمىس ىستەيدى. كلينيكا اكىمشىلىگى سونىمەن قوسا تاجىريبەلى مامانداردى قىزمەتتىك پاتەرمەن دە قام­تاماسىز ەتىپ وتىر. ال ولاردان تالاپ ەتىلەتىنى – تەك ناۋقاستىڭ جاعدايىنا قاراپ, ساپالى مەديتسينالىق قىزمەت كورسەتۋ.

شىمكەنت