جۋىردا وقىرماندارعا قىزمەت كورسەتۋ ءبولىمىنىڭ ۇيىمداستىرۋىمەن «ىمىرتتاعى كىتاپحانا» ءداستۇرلى الەۋمەتتىك-مادەني ءىس-شاراسى اياسىندا 2021 جىلى اشىلعان ادالدىق, پاراساتتىلىق, ادىلدىك قاعيداتتارىن قالىپتاستىرۋعا, قوعامدا ۇلتتىق مادەنيەت پەن رۋحاني قۇندىلىقتاردى ىلگەرىلەتۋگە باعىتتالعان «پاراسات جولى» ورتالىعىنىڭ جانە «ەلمۇرا» ۇلتتىق-تانىمدىق كلۋبىنىڭ بەلسەندى مۇشەلەرى جاستاردىڭ بويىنا ادامگەرشىلىك پەن شىنشىلدىقتى قالىپتاستىرىپ, رۋحاني بايلىق پەن ۇلتتىق قاسيەتتەردى ءسىڭىرۋ ماقساتىندا «ادالدىق – اردىڭ يەسى» اتتى كىتاپحانالىق جۋرفيكس وتكىزدى.
ءىس-شارانى «اقتوبە – ادالدىق الاڭى» جوبالىق كەڭەسىنىڭ باسشىسى قۋانىش سەرىكجانوۆ اشىپ بەردى. ول ءوز سوزىندە بالانى ادالدىققا تاربيەلەۋ ادال ەڭبەككە, ادەپتىلىككە ۇيرەتۋدەن باستالاتىنىن ايتا كەلە, ادالدىقتى بويىنا دارىتقان ادام ونى قاسيەتىم دەپ ساناپ, وزىنە دە, ورتاسىنا دا نۇقسان كەلەتىن ەش نارسە ىستەمەيتىنىن اتاپ كورسەتتى. جاستارعا تاربيە – قوعام مەن جەكە تۇلعانىڭ اراقاتىناسىن قامتاماسىز ەتەتىن باستى جۇيە ەكەنىنە نازار اۋداردى.
كونە تۇركىلىك جادىگەرلەردەن باستاۋ الىپ, جىراۋلار جىرى ارقىلى كوركەمدىك بيىككە كوتەرىلگەن بايىرعى پوەزيامىز تۋدىرعان رۋحتى جىرلاردان ءنار العان ادەبيەتتىڭ جاڭا بۋىنى, كىتاپحانامىزدىڭ وقىرماندارى دينا امانگەلدينا مەن نۇرسەرىك قۇداباي اتالعان ءىس-شاراعا جىردان شاشۋ شاشسا, وبلىستىق تاحاۋي احتانوۆ اتىنداعى درامالىق تەاتردىڭ ارتىستەرى مەيرام حابيبوللانىڭ جەتەكشىلىگىمەن ايىمنۇر ساندىبايقىزى, فاتيما بەردىبەكوۆا, ادىلەت امانجولوۆتىڭ بەينەلەۋىندە «حانشايىم» يممەرسيۆتى سپەكتاكلىن ۇسىنىپ, ءىس-شارانىڭ اسەرلى وتۋىنە ءوز ۇلەستەرىن قوستى.
ەل ەرتەڭى – جاستارعا ارنالعان قۇقىقتىق جانە ازاماتتىق تاربيە تۋراسىنداعى ءىس-شارانى كىتاپحانا ديرەكتورى سۇلۋشاش حاكيموۆا قورىتىندىلاپ, قاتىسۋشىلارعا العىسىن ءبىلدىردى.
گۇلزادا بەيسوۆا,
س.بايىشەۆ اتىنداعى وبلىستىق امبەباپ عىلىمي كىتاپحانا قىزمەتكەرى
اقتوبە