ەۋروپاداعى قاۋىپسىزدىك جانە ىنتىماقتاستىق ۇيىمىنىڭ كوپۇلتتى توبى دەسانتتىق-شابۋىلداۋ اسكەرلەرىنىڭ قۇرامالارى مەن بولىمدەرىن تەكسەردى, دەپ حابارلايدى Egemen.kz.
نيدەرلاندى, اقش جانە فرانتسيا وكىلدەرىنەن قۇرالعان ينسپەكتسيالىق توپقا وقۋ-جاتتىعۋ پوليگوندارى, اتىس الاڭدارى, كازارمالار جانە الماتى مەن قوناەۆ گارنيزوندارىنداعى اسكەري بولىمدەردىڭ باسقا دا وبەكتىلەرى كورسەتىلدى.
2011 جىلعى سەنىم مەن قاۋىپسىزدىكتى نىعايتۋ شارالارى تۋرالى ۆەنا قۇجاتىنا سايكەس, دەسانتتىق-شابۋىلداۋ اسكەرلەرى قولباسشىلىعى ۇيىمداستىرعان بريفينگتەر بارىسىندا ەقىۇ وكىلدەرىنە قۇرامالار مەن اسكەري بولىمدەردىڭ كۇندەلىكتى جانە وقۋ-جاۋىنگەرلىك تىنىس-تىرشىلىگى, حالىقارالىق وقۋ-جاتتىعۋلارعا جانە بىتىمگەرشىلىك ميسسيالارعا قاتىسىپ جۇرگەن اسكەري قىزمەتشىلەر تانىستىرىلدى.
كوميسسيا 25 قاراشاعا دەيىن الماتى جانە قوناەۆ قالالارىنىڭ اۋماعىندا جۇمىسىن جالعاستىرماق. ينسپەكتسيالاۋ اۆتوكولىكپەن, اسكەري-اۋە كۇشتەرىنىڭ تىكۇشاعىمەن باقىلاۋ ارقىلى جۇزەگە اسىرىلادى.