«جاس ۇلان» رەسپۋبليكالىق مەكتەبىندە وتكەن س.ق.نۇرماعامبەتوۆتىڭ ەسكەرتكىش ءمۇسىنىنىڭ اشىلۋ راسىمىندە مينيستر وسى ءىس-شارانىڭ قازاقستان قارۋلى كۇشتەرى تاريحى ءۇشىن ماڭىزدىلىعىن اتاپ ءوتتى.
مەملەكەت باسشىسىنىڭ باستاماسىمەن جانە تىكەلەي قولداۋىمەن «جاس ۇلان» مەكتەبىنە ساعادات نۇرماعامبەتوۆتىڭ اتى بەرىلگەندىگىن اتاپ وتكەن ۆەدومستۆو باسشىسى: «بۇل وقيعا رەسپۋبليكا تۇڭعىش قورعانىس ءمينيسترىنىڭ قازاقستان ارمياسىن قۇرۋعا سىڭىرگەن ەڭبەگىن تانۋ بولىپ تابىلادى», – دەدى.
«داڭقتى گەنەرالدىڭ ءومىر جولى – اسكەري قىزمەتشىلەردىڭ كوپتەگەن بۋىندارى ءۇشىن ەرلىك پەن وتانعا شىنايى بەرىلگەندىكتىڭ ۇلگىسى. ال ونىڭ ەسىمى تاۋەلسىز قازاقستاننىڭ تاريحىندا جانە ەل ەسىندە ماڭگىلىك قالادى», – دەدى س.احمەتوۆ.
سالتاناتتى ءىس-شاراعا ۇلى وتان سوعىسىنىڭ ارداگەرلەرى, پارلامەنت دەپۋتاتتارى, ورتالىق مەملەكەتتىك ورگانداردىڭ وكىلدەرى قاتىستى.
«ەگەمەن-اقپارت».
استانا.