سولتۇستىك قازاقستان وبلىسى بويىنشا سىبايلاس جەمقورلىققا قارسى قىزمەت ۇرلاۋ, پارا بەرۋ جانە الۋ فاكتىلەرى بويىنشا قىلمىستىق ءىستى تەرگەپ جاتىر, دەپ حابارلايدى Egemen.kz.
«بقو اكىمدىگىنىڭ ەنەرگەتيكا جانە تكش باسقارماسى» كمم, «كوممۋنالدىق شارۋاشىلىق» مكك باسشىلارى مەن جول-قۇرىلىس كومپانياسىنىڭ باسشىلارىنا قاتىستى قىلمىستىق ءىس جۇرگىزىلۋدە.
ۆەدومستۆو وكىلدەرى اتاپ وتكەندەي, ولار پەتروپاۆل اۆتوجولدارىن جوندەۋگە بولىنگەن بيۋدجەت قاراجاتىن ۇرلاپ, جۇمىستاردى ورىنداۋعا بايلانىستى پارا بەردى جانە الدى دەگەن كۇدىككە ىلىنگەن.
«كۇدىكتىلەر قاماۋعا الىندى. سوتقا دەيىنگى تەرگەپ-تەكسەرۋ جالعاسۋدا, قر قىجك-ءنىڭ 201-بابىنا سايكەس وزگە اقپارات جاريالاۋعا جاتپايدى», دەلىنگەن حابارلامادا.