استانالىق «مەرەيلى وتباسى» ءوز تاڭداۋىن جاسادى

الما سايلاۋقىزى ەلورداداعى №89 مەكتەپ-ليتسەيىنىڭ عيماراتىندا ورنالاسقان №395 سايلاۋ ۋچاسكەسىندە ءوز تاڭداۋىن جاسادى.

- بۇگىن ءبىز وتباسىمىزبەن سايلاۋعا ءبىرىنشى رەت كەلىپ تۇرمىز. بالالارىمىز ءوسىپ, ەس كىرگەنگە دەيىن وتاعاسى ەكەۋمىز عانا كەلەتىنبىز. نەگىزى سايلاۋمەن ءبىزدىڭ ءومىرىمىزدى كوپ دۇنيە بايلانىستىرادى. بىرىنشىدەن, مەنىڭ تەگىم – سايلاۋقىزى. اكەم سايلاۋ 1948 جىلى 11 قاڭتاردا سول كەزدەگى كەڭەس وداعىندا سايلاۋ بولىپ جاتقاندا دۇنيەگە كەلگەن. ءۇيىنىڭ تۇڭعىشى, اتا-اناسى وسىنداي ماڭىزدى كۇندە دۇنيەگە كەلدى دەپ, ەسىمىن سايلاۋ قويعان. سودان بەرى سايلاۋ ءبىزدىڭ ومىرىمىزدە ماڭىزدى ورىن الادى. ويتكەنى بۇل – دەموكراتيالىق قوعامدا ءومىر سۇرەتىن ادامنىڭ جەكە تاڭداۋىن بىلدىرەتىن تاڭداۋ قۇقىعى. جولداسىم ەكەۋمىزدىڭ تانىسىپ, ەكى جاقتىڭ اتا-انالارىن وسى پرەزيدەنت سايلاۋى ءوتىپ جاتقان كۇنى تانىستىرعان بولاتىنبىز. ول كۇن دە ەرەكشە كۇن بولدى, وتاعاسى ەكەۋمىز ازاماتتىق بورىشىمىزدى وتەدىك. ەكەۋمىز داۋىس بەرىپ كەلگەننەن كەيىن, اتا-انالارىمىزدى تانىستىردىق. وسىنداي ساتتەر تەگىننەن تەگىن ەمەس, جاي سايكەستىك. دەگەنمەن دە بۇل سايكەستىك ماڭىزدى كۇنگە دەگەن ءبىزدىڭ كوزقاراسىمىزدى ايقىندايدى. جالپى ءبىز ەلىمىز ءۇشىن وسىنداي ماڭىزدى ساياسي ناۋقانداردىڭ ەشقايسىسىنان قالعان ەمەسپىز, - دەيدى ول.

اتا-اناسىمەن ەرىپ كەلگەن ولاردىڭ ۇلى ەراسىل بايقوجا دا كەلگەن. 

نازارباەۆ زياتكەرلىك مەكتەبىنىڭ 8-سىنىبىندا وقيمىن. ءبىزدىڭ وقۋ ورنىندا دا مەكتەپ پرەزيدەنتى سايلاناتىن. بۇگىنگى سايلاۋ پروتسەسىن سوعان ۇقساتتىم. وندا دا ءدال بۇگىنگىدەي كانديداتتارعا داۋىس بەرىپ, كەيىن ناتيجەسىن شىعارعان ەدى. بىراق ەلىمىزدەگى وسىنداي ۇلكەن ساياسي ناۋقاندى ءبىرىنشى رەت ءوزىم كورىپ, كۋاگەر بولىپ تۇرمىن. بۇل – تاريحي ءسات. العان اسەرىم ەرەكشە, ءتىپتى سوزبەن جەتكىزۋ مۇمكىن ەمەس, - دەيدى كوپبالالى وتباسىنىڭ بالاسى ەراسىل بايقوجا.

ايتا كەتەيىك, ەلورداداعى №395 سايلاۋ ۋچاسكەسىندە 2 393 سايلاۋشى تىركەلگەن, ونىڭ بىرەۋى ۇيىنەن داۋىس بەرۋگە ءوتىنىش قالدىرعان.