قاسىم-جومارت توقاەۆ كەزەكتەن تىس پرەزيدەنت سايلاۋىندا داۋىس بەردى, دەپ حابارلايدى Egemen.kz.
قازىرگى مەملەكەت باسشىسى ەلورداداعى وقۋشىلار سارايىندا ورنالاسقان №58 ۋچاسكەدە داۋىس بەردى.
قاسىم-جومارت توقاەۆ ءوزىنىڭ بيۋللەتەنىن الىپ, ونىمەن بىرگە داۋىس بەرۋ كابيناسىنا كىردى. داۋىس بەرىپ بولعاننان كەيىن مەملەكەت باسشىسى جۋرناليستەرمەن سويلەستى.
«بۇگىن – وتە ماڭىزدى, تاريحي كۇن. ەلىمىزدىڭ جارقىن بولاشاعى ءۇشىن داۋىس بەرىپ وتىرمىز. شىن مانىندە, بيىل وڭاي بولعان جوق. بىراق حالقىمىز جۇمىلىپ, قيىندىقتاردىڭ ءبارىن ەڭسەردى. ەندى الدىمىزدا تۇرعان وتە اۋقىمدى مىندەتتەر, ماقساتتار بار. اتقاراتىن جۇمىس ءالى دە كوپ. ساياسي رەفورمالار جۇزەگە اسىرىلىپ جاتىر. جازدا جالپىۇلتتىق رەفەرەندۋم ءوتتى. ەندى, مىنە كەزەكتەن تىس پرەزيدەنت سايلاۋى وتكىزىلىپ جاتىر. كەلەشەكتە بۇل جۇمىستار جالعاسا بەرەدى», دەدى قاسىم-جومارت توقاەۆ.
بۇگىن قازاقستاندا كەزەكتەن تىس پرەزيدەنت سايلاۋى ءوتىپ جاتىر. العاشقى سايلاۋ ۋچاسكەلەرى تاڭعى 6:00-دە اشىلدى.