قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسى رەكتورىنىڭ بۇيرىعىمەن الەكسەي ۆولكوۆ ديپلوماتيا ينستيتۋتىنىڭ ديرەكتورى بولىپ تاعايىندالدى, دەپ جازادى Egemen.kz.
الەكسەي ۆولكوۆ ءار جىلدارى قر سىرتقى ىستەر مينيسترلىگىندە جانە قر پرەزيدەنتى اكىمشىلىگىندە جۇمىس ىستەگەن. ول كەڭەسشى-ۋاكىل, جەنەۆا قالاسىنداعى بۇۇ بولىمشەسى جانە باسقا دا حالىقارالىق ۇيىمدار جانىنداعى قازاقستان رەسپۋبليكاسى تۇراقتى وكىلىنىڭ ورىنباسارى, قازاقستان رەسپۋبليكاسى پرەزيدەنتىنىڭ كومەكشىسى حاتشىلىعىنىڭ مەڭگەرۋشىسى, قازاقستان رەسپۋبليكاسى پرەزيدەنتى كەڭسەسىنىڭ مەملەكەتتىك ينسپەكتورى, قر سىرتقى ىستەر ءمينيسترىنىڭ ورىنباسارى, قازاقستان رەسپۋبليكاسىنىڭ پولشاداعى جانە گرەك رەسپۋبليكاسىنداعى توتەنشە جانە وكىلەتتى ەلشىسى بولىپ قىزمەت اتقاردى.
قر پرەزيدەنتىنىڭ جارلىعىمەن وعان توتەنشە جانە وكىلەتتى ەلشى ديپلوماتيالىق دارەجەسى بەرىلگەن.
رەكتور ەرلان ءابىل ديرەكتوردى اكادەميا ۇجىمىنا تانىستىرىپ, مەملەكەتتىك قىزمەتشىلەردى دايارلاۋ جانە ولاردىڭ بىلىكتىلىگىن ارتتىرۋ, قولدانبالى زەرتتەۋلەر جۇرگىزۋ بولىگىندە ديپلوماتيا ينستيتۋتىن دامىتۋ بويىنشا بىرقاتار مىندەتتەر قويدى.