Twitter الەۋمەتتىك جەلىسىنىڭ يەسى يلون ماسك Tesla كومپانياسىنىڭ باس ديرەكتورى رەتىندە ءوزىنىڭ ىقتيمال مۇراگەرىن تاڭدادى, دەپ حابارلايدى Egemen.kz Daily Mail باسىلىمىنا سىلتەمە جاساپ.
كاسىپكەر الەۋمەتتىك جەلىدە ۇيىمدى تۇبەگەيلى قايتا قۇرۋ جۇمىستارى جۇرگىزىلەتىنىن ايتتى.
«مەن كومپانياداعى جۇمىس ۋاقىتىمدى قىسقارتىپ, Twitter-ءدى باسقاراتىن جاڭا باسشى تابامىن», دەدى ي.ماسك.
سونداي-اق ول Twitter-گە ەنگىزىلەتىن جاڭا «قاتاڭ» وزگەرىستەر كەلەسى اپتانىڭ سوڭىنا دەيىن جۇرگىزىلەتىنىن ايتتى. قىزمەتكەرلەر اتالعان وزگەرىستەردى قابىلداپ نەمەسە كومپانيادان كەتۋ تۋرالى شەشىم قابىلداۋ كەرەك. سونىمەن قاتار قىزمەتكەرلەر ءوز ورىندارىندا قالۋ ءۇشىن مىندەتتەمەگە قول قويۋى قاجەت.
كەيىنىرەك كومپانيا قىزمەتكەرلەرى «ەگەر ءسىز جاڭا Twitter-ءدىڭ ءبىر بولىگى بولعىڭىز كەلەتىنىنە سەنىمدى بولساڭىز, تومەندەگى سىلتەمەگە ء«يا» تۇيمەسىن باسىڭىز» دەگەن حابارلاما الدى.
سونىمەن قاتار حاتتا قىزمەتكەرلەر 17 قاراشاعا دەيىن وتىنىشكە قول قويماسا, ولار ءۇش ايلىق جۇمىستان شىعۋ جاردەماقىسىن الاتىنى جازىلعان.
Tesla باسقارما مۇشەسى دجەيمس مەردوكتىڭ ايتۋىنشا, باس ديرەكتور يلون ماسك سوڭعى بىرنەشە ايدا بىرەۋدى الەۋەتتى مۇراگەر رەتىندە انىقتاعان, الايدا ماسك ونىڭ كىم ەكەنىن ايتپادى.