الەم چەمپيوناتىنا قاتىسادى

سپورتتى دامىتۋ ديرەكتسياسىنىڭ مالىمەتى بويىنشا, ەرلەر باسەكەسىندە سىنعا تۇسكەن قازاقستان قۇراماسى جارتىلاي فينالدا جاپونيا سپورتشىلارىنا جول بەرىپ (20:4), قولا جۇلدەگە تالاسۋ مۇمكىندىگىنە يە بولدى. بۇل سىندا دامير تەمىرحانوۆ باپتايتىن ەلىمىزدىڭ سۋ دوبى شەبەرلەرى يراننان باسىم ءتۇسىپ (8:5), ازيا بىرىنشىلىگىنىڭ قولا جۇلدەسىن مويىندارىنا ءىلدى.

ال اندرەي سازىكين جەتەكشىلىك ەتەتىن قازاقستاننىڭ ايەلدەر قۇراماسى دا سارى قۇرلىق دوداسىنىڭ جۇلدەگەرى اتاندى. ولار ءۇشىنشى ورىن ءۇشىن وتكەن باسەكەدە تايلاند سپورتشىلارىمەن شەبەرلىك بايقاسىپ, باقانداي توعىز ۇپاي ايىرماشىلىعىمەن تىزە بۇكتىردى – 14-5. سونداي-اق قازاقستان قۇراماسىنىڭ ويىنشىسى داريا مۋراۆەۆا بيىلعى سارى قۇرلىق دوداسىنىڭ ۇزدىك سۇرمەرگەنى اتاندى. قازاقستاننىڭ ەرلەر مەن ايەلدەر قۇراماسى وسى جەتىستىگىنىڭ ارقاسىندا كەلەسى جىلى جاپونيانىڭ فۋكۋوكا قالاسىندا الاۋى تۇتاناتىن سۋ سپورتى تۇرلەرىنەن حح الەم چەمپيوناتىنا جولداما الدى.