«قاھارمان» تۇرعىن ءۇي كەشەنىنىڭ 11-قاباتىندا ءورت شىقتى. الەۋمەتتىك جەلىدە ءورتتىڭ ۆيدەوسى تاراپ كەتتى, دەپ حابارلايدى Egemen.kz.
ءورت سوندىرۋشىلەر پاتەردەن بەس ادامدى, ونىڭ ىشىندە ءبىر بالانى الىپ شىقتى. سونداي-اق 10 ادام ەۆاكۋاتسيالاندى.
ەكى ەرەسەك ادام مەن ءبىر بالا اۋرۋحاناعا جەتكىزىلدى. ولار كومىرتەگى توتىعىنان ۋلانعان. تجد اۋلادا تۇرعان كولىكتەرگە بايلانىستى ءورت سوندىرۋشىلەرگە ۇيگە دەيىن جەتۋ قيىنعا سوققانىن اتاپ ءوتتى.
توتەنشە جاعدايلار مينيسترلىگىنىڭ ءباسپاسوز حاتشىسى رۋسلان يمانقۇلوۆتىڭ ايتۋىنشا, ءورت سوندىرۋشىلەردىڭ وزدەرى دە زارداپ شەككەن. ولاردىڭ اياق-قولدارى مەن بەتىن كۇيىك شالعان. ءورت سوندىرۋشىلەر ماراپاتقا ۇسىنىلاتىنىن اتاپ ءوتتى.
ءورتتى سوندىرۋگە توتەنشە جاعدايلار ءبولىمىنىڭ 26 ادامى مەن 6 تەحنيكاسى, اپاتتار مەديتسيناسى ورتالىعىنىڭ ءۇش دارىگەرى جۇمىلدىرىلدى.