پرەزيدەنت الماتىداعى مەترو جەلىسىن كەڭەيتۋدى تاپسىردى

«جول-كولىك سالاسىنداعى پروبلەمالاردى انىقتاۋ جانە پارمەندى شەشىمدەردى ازىرلەۋ ءۇشىن قالا تۇرعىندارى مەن تاۋەلسىز ساراپشىلاردى بەلسەندى تارتۋ قاجەت. قالاداعى ءومىر ساپاسىنىڭ ماڭىزدى قۇرامداس بولىگى - جول قوزعالىسىنىڭ قاۋىپسىزدىگى. وڭ تەندەنتسيالارعا قاراماستان, جول-كولىك وقيعالارى ءالى دە ءجيى كەزدەسەدى. بۇل اسا ماڭىزدى ماسەلەنى شەشۋ ءۇشىن كەشەندى شارالار قابىلداۋ قاجەت. ادامدار - ءبىزدىڭ باستى بايلىعىمىز», دەدى پرەزيدەنت.

وسى رەتتە ول پوليتسياعا جۇرگىزۋشى مەن جاياۋ جۇرگىنشىلەردىڭ مادەنيەتىن ارتتىرۋ جونىندە تاپسىرما بەردى. 

ء«بىز كوشەلەرىمىز بەن تروتۋارلارىمىزداعى قايعىلى وقيعالاردىڭ سانىن تۇبەگەيلى ازايتۋ ءۇشىن قولدان كەلگەننىڭ ءبارىن جاساۋىمىز كەرەك. بۇگىندە الماتىدا جولاۋشىلار اعىنىنىڭ نەگىزگى ۇلەسى اۆتوبۋستار مەن تروللەيبۋستارعا تيەسىلى. بۇل رەتتە مارشرۋتتىق جەلى ءتيىمدى ۇيىمداستىرىلماعان. قالالىق مارشرۋتتاردىڭ كوپشىلىگى وتە ۇزىن. قالالىق جانە قالا ماڭىنداعى قوعامدىق كولىكتەر ءبىر-بىرىمەن تىعىز بايلانىستى, تاسىمالداۋعا ىڭعايلى كولىك توراپتارى جوق. بۇل جاعدايدى شۇعىل تۇردە وزگەرتۋ كەرەك. جەكە كولىكتەردى پايدالانۋدى ازايتۋدى ىنتالاندىرا وتىرىپ, قوعامدىق كولىكتىڭ تارتىمدىلىعىن دايەكتى تۇردە ارتتىرۋ قاجەت. ول ءۇشىن مەتروپوليتەن جەلىسىن كەڭەيتۋدى جالعاستىرۋ قاجەت», دەدى مەملەكەت باسشىسى.