مەملەكەت باسشىسى قاسىم-جومارت توقاەۆ الماتى قالاسىنىڭ جۇرتشىلىعىمەن كەزدەسۋ بارىسىندا كوممۋنالدىق ينفراقۇرىلىم ماسەلەسىن قوزعادى, دەپ حابارلايدى Egemen.kz.
«تۇرعىن-ءۇي كوممۋنالدىق شارۋاشىلىعىنا باسا ءمان بەرۋ قاجەت. بىرقاتار اۋداندا ورتالىقتان بەرىلەتىن سۋ جوق. الماتىنىڭ 30 مىڭعا جۋىق تۇرعىنى سۋدى تاسىپ ىشەدى. اكىمدىككە 3 جىلدىڭ ىشىندە بارلىق تۇرعىندارعا ورتالىقتان سۋ بەرۋدى تاپسىرامىن», دەدى پرەزيدەنت.
مەملەكەت باسشىسى اتاپ وتكەندەي, الداعى 2 جىلدا قارعالى, اقساي وزەندەرىنەن سۋ الاتىن 2 ءىرى قۇرىلعى ىسكە قوسىلادى. سونداي-اق ناۋرىزباي جانە الاتاۋ اۋداندارىندا سۋ جينايتىن جاڭا ورتالىقتار سالىنادى. سونىڭ ارقاسىندا 150 مىڭ الماتىلىققا سۋ بەرىلەدى.
«سۋ – تىرشىلىك كوزى. تۇرعىنداردىڭ ءومىر ساپاسى تىكەلەي سۋعا بايلانىستى. سوندىقتان, سۋمەن قامتاماسىز ەتەتىن جاڭا جەلى سالۋ, ەسكىلەرىن جاڭعىرتۋ جۇمىسىن باستى نازاردا ۇستاۋ كەرەك. مەن الماتىنىڭ تاريحي ورتالىعىندا كوممۋنالدىق ينفراقۇرىلىمنىڭ توزىپ بارا جاتقانىن ايتتىم. اكىمدىك ونداعى ەسكىرگەن جەلىنى ۋاقتىلى جاڭعىرتىپ وتىرۋى كەرەك. مىسالى, ء«تاريفتى ينۆەستيتسياعا ايىرباستاۋ» باعدارلاماسى بار, سونى ءتيىمدى پايدالانعان ءجون. بارشاڭىزعا بەلگىلى, قالا حالقىنىڭ سانى كۇن وتكەن سايىن ءوسىپ كەلەدى. سوندىقتان, تۇرعىن-ءۇي قۇرىلىسىنا ايرىقشا ءمان بەرىلەدى», دەپ تۇيىندەدى قاسىم-جومارت كەمەل ۇلى.