13 قاراشادا ىستانبۇلداعى تاكسيم الاڭىندا بولعان جارىلىس سالدارىنان التى ادام قازا تاپتى. وxu.az سايتى قۇرباندار جايلى دەرەكتەرمەن جانە فوتولارمەن ءبولىستى, دەپ حابارلايدى Egemen.kz.
جارىلىس كەزىندە 38 جاستاعى قالا تۇرعىنى ارزۋ وزسوي مەن ونىڭ 15 جاستاعى قىزى ياگمۋر ۋچار قايتىس بوعان.
تاكسيمدە 9 جاستاعى قىزى ەجرينمەن سەرۋەندەپ جۇرگەن 34 جاستاعى مەملەكەتتىك قىزمەتكەر يۋسۋف مەيدان دا بولعان. ولار دا بەيبىت تۇرعىندارعا جاسالعان لاڭكەستىك ارەكەتتىڭ قۇربانىنا اينالعان.
سونداي-اق 40 جاستاعى ادەم توپكارا مەن ونىڭ 27 جاستاعى ايەلى مۋكاددەس ەليف توپكارا دا قايعىلى وقيعا كەزىندە قازا تاپقان.
تۇركيا ىشكى ىستەر ءمينيسترى وقيعا سالدارىنان 81 ادامنىڭ جارالانعانىن, ولاردىڭ 50-ءىنىڭ ۇيلەرىنە شىعارىلعانىن, بەسەۋى جانساقتاۋ بولىمىندە جاتقانىن مالىمدەدى. تاعى ەكى ادامنىڭ جاعدايى اۋىر.