شىمكەنتتە وسكەمەن تۇرعىنىنان سينتەتيكالىق ەسىرتكىنىڭ ءىرى پارتياسى تاركىلەندى, دەپ حابارلايدى Egemen.kz Otyrar ارناسىنا سىلتەمە جاساپ.
«شىمكەنت قالالىق ءىىب-نىڭ قىزمەتكەرلەرى «قاراسورا» وپم قىزمەتكەرلەرىنىڭ رەيدتىك ءىس-شاراسى بارىسىندا سومكەسىندە ەسىرتكى تاسىمالداعان وسكەمەن قالاسىنىڭ تۇرعىنىن انىقتادى. تەكسەرۋ بارىسىندا پوليتسەيلەر ەر ادامنان سالماعى 1 كەلىدەن اساتىن سينتەتيكالىق ەسىرتكى زاتىن تاۋىپ, تاركىلەدى. ساراپتاما ناتيجەسى بويىنشا بۇل جالپى سالماعى 1,151 كەلى بولاتىن «مەفەدرون» ەكەنى انىقتالدى», دەلىنگەن حابارلامادا.
قر قىلمىستىق كودەكسىنىڭ 296-بابى 4-بولىگى (ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىنسىز زاڭسىز پايدالانۋ) بويىنشا سوتقا دەيىنگى تەرگەۋ باستالدى.