ۇلتتىق ستاتيستيكا بيۋروسىنىڭ دەرەكتەرى بويىنشا 2022 جىلدىڭ قىركۇيەگىندە 102,2 مىڭ اۆتوموبيل ەسەپكە الىندى, بۇل وتكەن جىلدىڭ سايكەس كەزەڭىمەن سالىستىرعاندا 10,9%-عا ارتىق, دەپ حابارلايدى Egemen.kz.
بۇل رەتتە جەڭىل اۆتوموبيلدەردىڭ 10,4%-ى, جۇك اۆتوموبيلدەرىنىڭ 20,8%-ى, اۆتوبۋستاردىڭ 5,6%-ى تىركەلدى.
ماسەلەن, 2022 جىلعى 1 قازانداعى جاعداي بويىنشا قازاقستاندا تىركەلگەن اۆتوكولىك قۇرالدارىنىڭ سانى 4 ملن 362 مىڭ بىرلىكتى قۇرادى. ونىڭ 87,8%-ى - جەڭىل اۆتوموبيلدەر, 10,2%-ى - جۇك كولىكتەر جانە 2%-ى - اۆتوبۋستار.
ستاتيستيكا مالىمەتتەرى بويىنشا, توعىز اي ىشىندە ەلىمىزدە 10 258 جول-كولىك وقيعاسى تىركەلگەن, 15 092 ادام زارداپ شەككەن.
وتكەن جىلمەن سالىستىرعاندا جول-كولىك وقيعالارى 8,9%-عا ءوستى.
ءوز كەزەگىندە ەلىمىزدەگى ساقتاندىرۋ ۇيىمدارى 35,9 ملرد تەڭگە سوماسىنا 68 885 ساقتاندىرۋ تولەمدەرىن ءوندىردى.