16 قاراشادا ەۋروپالىق وداقتىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى – ەۋروپالىق كوميسسيا ۆيتسە-پرەزيدەنتى جوزەپ بوررەل قازاقستانعا رەسمي ساپارمەن كەلەدى. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى, دەپ حابارلايدى Egemen.kz.
«ساپار اياسىندا جوزەپ بوررەلدىڭ قازاقستان رەسپۋبليكاسى پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردىمەن جانە مەملەكەت باسشىلىعىمەن ەكىجاقتى كەزدەسۋلەرى جوسپارلانۋدا», دەدى ا. سمادياروۆ.
تاراپتار كەلىسسوزدەر بارىسىندا وزەكتى وڭىرلىك جانە حالىقارالىق ماسەلەلەر بويىنشا پىكىر الماسادى.