مەملەكەت باسشىسى قاسىم-جومارت توقاەۆ تۇركى مەملەكەتتەرى ۇيىمىنىڭ سامميتىندە تۇركى حالىقتارىنىڭ ورتاق جازبا مۇراسىن زەرتتەۋگە ارنالعان «جول كارتاسىن» ازىرلەۋدى ۇسىندى, دەپ حابارلايدى Egemen.kz.
«تۇركى ەلدەرىنىڭ رۋحاني دەرەككوزدەرىن زەردەلەيتىن جوبالارعا ەرەكشە كوڭىل بولگەنىمىز ابزال. بيىل تۇركى اكادەمياسى موڭعوليادا جۇرگىزگەن قازبا جۇمىسىنىڭ ناتيجەسىندە ماڭىزدى جاڭالىق اشتى. ەكىنشى تۇركى قاعاناتىن قايتا تىرىلتكەن قۇتلىق قاعاننىڭ كەشەنىن تاپتى. بۇل – «تۇركى» دەگەن ءسوزى بار ەڭ كونە جازبا ەسكەرتكىش», دەدى مەملەكەت باسشىسى.
وسى ورايدا, پرەزيدەنت تۇركى حالىقتارىنىڭ ورتاق جازبا مۇراسىن زەرتتەۋگە ارنالعان «جول كارتاسىن» ازىرلەۋدى ۇسىندى.
«ول ءۇشىن ەلدەرىمىزدىڭ مۇراعاتتارى ءوزارا اشىق بولۋىن قامتاماسىز ەتۋ قاجەت. كەلەشەكتە سونىڭ نەگىزىندە تۇركى مەملەكەتتەرى ۇيىمىنىڭ «تسيفرلىق كىتاپحاناسىن» قۇرۋعا بولادى. بۇل جۇمىس قۇندى قۇجاتتار مەن سيرەك كىتاپتاردى ۇرپاققا مۇرا ەتىپ قالدىرۋعا مۇمكىندىك بەرەر ەدى», دەدى ق.توقاەۆ.