قازاقستاندىق بوكسشى ماحمۇد سابىرحان امماندا (يوردانيا) ءوتىپ جاتقان ازيا چەمپيوناتىنىڭ جارتىلاي فينالىندا ونەر كورسەتتى, دەپ حابارلايدى Egemen.kz Sports.kz سايتىنا سىلتەمە جاساپ.
54 كەلى سالماقتا جارتىلاي فينالدىق كەزدەسۋدە سابىرحان وزبەكستاندىق شاحزود مۇزافاروۆپەن بەلدەسىپ, تورەشىلەردىڭ ءبىراۋىزدان شەشىمىمەن جەڭىسكە جەتتى. وسىلايشا قازاقستاندىق ءتۋرنيردىڭ فينالىنا شىعىپ, التىن مەدالعا تالاسادى.
ماحمۇد سابىرحان 2021 جىلعى الەم چەمپيوناتىنىڭ ءفيناليستى, سونداي-اق جاستار اراسىنداعى ازيا چەمپيوناتىنىڭ بىرنەشە دۇركىن جەڭىمپازى. وعان ۋكراينالىق بوكسشى ۆاسيلي لوماچەنكومەن ۇقساس ءستيلى ءۇشىن «قازاق لوماچەنكوسى» دەگەن لاقاپ ات بەرىلگەن.