استانالىق تۇرعىن 102 نومىرىنە 99 رەت حابارلاسقان. الايدا مامانداردىڭ ارالاسۋىنا قاتىستى ءبىر-ەكى ءىس عانا ناقتى انىقتالىپ, قالعانى جالعان بولىپ شىققان.
انىقتالعانداي, 40 جاستاعى ازامات بۇل قادامدى ماس كۇيدە جاساعان.
«بارلىق قوڭىراۋلار بويىنشا دەرەۋ قىزمەت كورسەتىلدى, الايدا قوڭىراۋلاردىڭ ءبىر-ەكەۋى عانا پوليتسيانىڭ ارالاسۋى قاجەت وقيعالارعا قاتىستى بولعان. قوڭىراۋلاردىڭ كوپ بولىگى جالعان بولىپ شىقتى, بىراق ءاربىر شالىنعان قوڭىراۋ بويىنشا پوليتسيانىڭ كەشەندى كۇشتەرى, كەيبىر جاعدايدا جەدەل-تەرگەۋ توپتارى قىزمەت كورسەتۋگە شىققان. ماسەلەن, جوعارىدا اتالعان ازاماتتان پوليتسيانىڭ 102 ارناسىنا ساعات 04.24-تە اباي داڭعىلىنداعى سۋپەرماركەتتىڭ جانىندا بەلگىسىز ەر ادام پىشاقپەن ءجۇرىپ, ادامدارعا قاۋىپ ءتوندىرىپ جۇرگەنى تۋرالى بىرنەشە قوڭىراۋ كەلىپ ءتۇستى. قوڭىراۋ شالۋشى تەز ارەكەت ەتۋدى سۇراعان. وقيعا ورنىنا دەرەۋ پوليتسيا جاساعى شىققان. الايدا تەكسەرۋ بارىسىندا فاكتى راستالمادى», دەپ حابارلادى ءىىم ءباسپاسوز قىزمەتى.
وقيعا بويىنشا قۇقىق بۇزۋشىنىڭ جەكە باسى انىقتالىپ, وعان 30 اەك مولشەرىندە ايىپپۇل سالىنعان.