قازاقستاندا جول اپاتى جيىلەدى - ءىىم

سولارىڭ ءبىرى جامبىل وبلىسىندا بولعان جانتۇرشىگەرلىك اپاتتان باستالدى. اۋا رايىنا بايلانىستى قالىڭ تۇماننىڭ اسەرىنەن Audi 100 اۆتوكولىگىنىڭ جۇرگىزۋشىسى قاۋىپسىزدىككە سالعىرتتىق تانىتىپ, تەمىر جولعا شىعىپ كەتىپ, جولاۋشىلار پويىزىمەن سوقتىعىسقان. سالدارىنان وقيعا ورنىندا جۇرگىزۋشى مەن ونىڭ بەس جولاۋشىسى قازا تاپتى.

3 قاراشادا قوستاناي وبلىسىندا اۋليەكول – جولداما اۆتوجولىندا جۇرگىزۋشى Chevrolet سobalt ماركالى اۆتوكولىكتى باسقارا الماي, كيۋۆەتكە اۋدارىلدى. سالدارىنان ءۇش ادام قايتىس بولعان. 

وسىعان وراي مينيسترلىك جۇرگىزۋشىلەرگە حابارلاما جولدادى.

«وزدەرىڭىز بىلەتىندەي, قاراشا ايىنان باستاپ سولتۇستىك ايماقتاردا اۋا رايى كۇرت ناشارلايدى. ادامدار بۇعان بىردەن ۇيرەنە المايتىندىقتان قىسقى جولدا ءجۇرۋ كەزىندە اۋا رايىنىڭ ءجۇرىس رەجيمىنە اسەرىن, جاۋىن-شاشىن كەزىندە كورىنۋدىڭ تومەندەۋىن, سونداي-اق اۆتوكولىكتىڭ تەجەۋ جولىن ۇلعايتاتىن جانە وعان اسەر ەتەتىن جول توسەمىنىڭ ءىلىنۋ قاسيەتتەرىنىڭ وزگەرۋىن ەسكەرۋ ماڭىزدى ەكەنىن ەسكە سالامىز.

جاياۋ جۇرگىنشىلەرگە  اينالاداعى قوزعالىسقا ەرەكشە نازار اۋدارۋدى سۇرايمىز. ويتكەنى كولىك قۇرالى – ول تەحنيكا جانە كەنەتتەن توقتاي المايدى, سوندىقتان جولدان وتكەندە جۇرگىزۋشى سىزگە جول بەرگەنىنە كوز جەتكىزىپ, سودان كەيىن عانا ءجۇرىستى جالعاستىرىڭىز. قۇلاققاپ, ۇيالى تەلەفون جانە كاپيۋشون ادامنىڭ نازارىنا كەدەرگى كەلتىرەتىنىن ەسكەرىڭىز. ىشكى ىستەر مينيسترلىگى قىزمەت وتكەرۋ كەزىندە جەكە قۇرامعا قيىن جاعدايدا قالعان ادامدارعا كومەك كورسەتۋدى تاپسىردى. سونداي-اق قىس مەزگىلىنىڭ باستالۋىنا بايلانىستى جولدارداعى كولىك ءجۇرىسى ەرەكشە نازار اۋدارۋدى قاجەت ەتەتىنىن ەسكە سالۋ قاجەت. بۇل جەردە دە ءوز ەرەجەلەرى مەن تالاپتارى بار. زاڭناماعا سايكەس قىسقى كەزەڭدە (جەلتوقسان, قاڭتار, اقپان) قىسقى شينالارمەن جابدىقتالماعان كولىك قۇرالدارىن پايدالانۋعا تىيىم سالىنادى. قىسقى شينالار كولىك قۇرالىنىڭ بارلىق دوڭگەلەكتەرىنە ورناتىلادى. اۆتوكولىك يەلەرى اۋا رايىنىڭ وزگەرۋىن مۇقيات قاداعالاپ وتىرۋى كەرەك, ەگەر ولار ناشارلاسا, ەلدى مەكەندەردەن تىس جەرلەرگە شىعۋدى شەكتەۋى كەرەك», دەپ حابارلادى قر ءىىم اپك-ءنىڭ ەرەكشە تاپسىرمالار جونىندەگى اعا ينسپەكتورى اقتوتى بورانوۆا.