ەكى كۇن ىشىندە پاۆلودار وبلىسىندا اۋا رايىنىڭ قولايسىزدىعىنا بايلانىستى 31 جول-كولىك وقيعاسى تىركەلدى, دەپ حابارلايدى Egemen.kz.
Polisia.kz مالىمەتىنشە, بۇگىن ساعات 06.15 شاماسىندا پاۆلودار – قىزىلوردا اۆتوجولىندا شىدەرتى كەنتىنىڭ ماڭىندا Toyota Alphard ماركالى ەكى اۆتوكولىكتىڭ قاتىسۋىمەن جول اپاتى بولعان. جول اپاتى سالدارىنان 34 جاستاعى جولاۋشى اۋرۋحاناعا جەتكىزىلگەن.
سول كۇنى ساعات 07.30 شاماسىندا ليموننايا كوشەسىندەگى ۇيگە قاراما-قارسى جەردە Volksvagen Passat ماركالى اۆتوكولىكتىڭ جۇرگىزۋشىسى 14 جاستاعى كامەلەتكە تولماعان ءجاسوسپىرىمدى قاققان. ول رەتتەلمەيتىن جاياۋ جۇرگىنشىلەر وتكەلى ارقىلى جولدىڭ ءجۇرىس بولىگىنەن وتكەن. جول-كولىك وقيعاسى سالدارىنان جاراقات العان بالا اۋرۋحاناعا جاتقىزىلعان.
– جاياۋ جۇرگىنشىلەرگە قىستىڭ باستالۋىمەن جۇرگىزۋشىلەرگە كولىك قۇرالىن باسقارۋ قيىنىراق ەكەنىن ەسكە سالامىز. اۋا رايىنىڭ قولايسىزدىعىنا بايلانىستى اۆتوكولىك يەلەرىن جازعى دوڭگەلەكتەرىن قىسقى دوڭگەلەككە اۋىستىرۋعا كەڭەس بەرەمىز, – دەدى پاۆلودار وبلىسى پد باستىعىنىڭ ءبىرىنشى ورىنباسارى جاسقايرات قايىروۆ.