ريددەردەگى جىلۋ ەلەكتر ورتالىعىندا ورىن العان اپاتتان كەيىن قالا تۇرعىندارىنىڭ ۇيلەرىنە جىلۋ بەرىلە باستادى, دەپ حابارلايدى Egemen.kz.
5 قاراشادا ريددەردەگى جەرگىلىكتى جىلۋ ەلەكتر ورتالىعىندا تاعى ءبىر اپات بولىپ, 22 مىڭ ابونەنت جىلۋسىز قالعان ەدى. ارتىنشا جەدەل شتاب قۇرىلىپ, قالادا توتەنشە جاعداي جاريالاندى.
ريددەرلىكتەر ەل پرەزيدەنتىنىڭ اتىنا جاعدايدى باقىلاۋعا الۋدى سۇراپ, ءوتىنىش تە جازدى. كەيىن شىعىس قازاقستان وبلىسىنىڭ اكىمى دانيال احمەتوۆ ريددەر قالاسىنىڭ جىلۋ ەلەكتر ورتالىعىن كوممۋنالدىق مەنشىككە بەرۋ ماسەلەسى قاراستىرىلىپ جاتقانىن ايتتى.
رەسمي اقپاراتقا سايكەس, قازىر ريددەردەگى جىلۋ ەلەكتر ورتالىعىنداعى اپاتتى جويۋعا شىعىس قازاقستاننىڭ تۇكپىر-تۇكپىرىنەن ءىرى وندىرىستىك جانە كوممۋنالدىق كاسىپورىنداردىڭ وكىلدەرى قاتىسۋدا. جۇمىس تاۋلىك بويى جۇرگىزىلۋدە.
«ريددەر جەو-دا ورىن العان توتەنشە جاعدايدى جويۋ بويىنشا جۇمىس جۇرگىزىلىپ جاتقانىنا بۇگىن ءتورتىنشى كۇن. قازىردىڭ وزىندە ەكى قازاندىق ىسكە قوسىلدى, تاعى بىرەۋى جىلۋ بەرە باستادى. جۇيەدەگى تەمپەراتۋرا 57 گرادۋسقا دەيىن كوتەرىلدى», دەپ جازدى شقو اكىمى دانيال احمەتوۆ Instagram جەلىسىندەگى پاراقشاسىندا.
ونىڭ ايتۋىنشا, قازىرگى ۋاقىتتا №4 قازاندىقتى جوندەۋ جۇمىستارى جۇرگىزىلۋدە.
ايتا كەتەيىك, سوڭعى كۇندەرى ريددەردە قار جاۋدى. اۋا تەمپەراتۋراسى كۇندىز نولدەن اسپاعانىمەن, تۇندە مينۋس 11 گرادۋسقا دەيىن تومەندەيدى.