18 قازاندا قىزىلوردا جانە ارال قالالارىندا «ا» ارنايى ماقساتتاعى قىزمەتتى جۇمىلدىرۋمەن, سونداي-اق پروكۋراتۋرانىڭ قاتىسۋىمەن ىسكە اسىرىلعان ارنايى وپەراتسيا بارىسىندا وڭىرلىك ۇيىمداسقان قىلمىستىق توپتىڭ 32 قاتىسۋشىسى ۇستالدى, دەپ حابارلايدى Egemen.kz ۇلتتىق قاۋىپسىزدىك كوميتەتىنە سىلتەمە جاساپ.
ۇستالعانداردىڭ قاتارىندا ترانسۇلتتىق قىلمىستىق ۇيىمداردىڭ توپ باسشىلارىنا باعىنىشتى جانە سولاردىڭ اتىنان ارەكەت ەتىپ, قىزىلوردا وبلىسىنىڭ قىلمىستىق يەرارحياسىندا بەلگىلى ءبىر دارەجەگە يە بولعاندار بار.
ءتىنتۋ جۇمىستارى بارىسىندا ولاردىڭ تۇرعىلىقتى مەكەن-جايلارى بويىنشا قارۋدىڭ بىرنەشە ءتۇرى, «ۇرىلار كاسساسىنىڭ» سمەتاسى, ەسىرتكى زاتتارى, سونىمەن قاتار تەرگەۋ ءۇشىن قىزىعۋشىلىق تۋدىراتىن وزگە دە زاتتار مەن قۇجاتتار تابىلدى.
قولعا تۇسكەندەر قىلمىستىق توپ قۇرۋ, باسقارۋ جانە قاراجاتتاندىرۋ, بوپسالاۋ سىندى اۋىر قىلمىستار جاسادى دەگەن كۇدىككە ىلىنگەن.