كەيىنگى ەكى جىلدا بيۋدجەت ەسەبىنەن وبلىستىق جەدەل جاردەم ستانساسىنا 60 سانيتارلىق اۆتوكولىك بەرىلدى. ونىڭ ىشىندە Hyundai, JAC, ۋاز كولىكتەرى بار. ال جاقىندا اتالعان ستانسا تاعى 20 كولىكپەن تولىقتى.
– مەملەكەت باسشىسىنىڭ تاپسىرماسىنا سايكەس مەديتسينا سالاسىنىڭ ماتەريالدىق-تەحنيكالىق بازانى نىعايتۋعا ەرەكشە كوڭىل ءبولىنىپ وتىر. اسىرەسە حالىقتىڭ ءومىرىن ساقتاۋدا ۇلكەن ىقپالى تيەتىن جەدەل جاردەم قىزمەتىنىڭ جەدەلدىگىن ارتتىرۋدىڭ ماڭىزى زور. سانيتارلىق كولىك پاركىن جاڭارتۋعا بايلانىستى جول كارتاسىن ىسكە اسىرۋ ماقساتىندا 20 جاڭا كولىك بەرىلىپ وتىر. وبلىستىق جەدەل جاردەم قىزمەتىنىڭ جاڭا كولىكتەرمەن تولىعۋى اتالعان ستانسا بريگادالارىنىڭ جەدەلدىگىن ارتتىرادى, – دەيدى وبلىس اكىمىنىڭ ورىنباسارى جاسۇلان بيسەمبيەۆ.
وبلىستىق مەديتسينالىق جەدەل جəردەم ستانساسىنىڭ ديرەكتورى ازامات ەربولوۆتىڭ مالىمەتىنشە, قارجىلىق ليزينگ شارتىنا سايكەس «Hyundai Trans Auto» سەرىكتەستىگىنەن «س» ساناتىنداعى 10, «ۆ» ساناتىمەن 10 Hyundai H350 اۆتوكولىگى ساتىپ الىنىپتى. جاقىندا 5 JAC كولىگى جەتكىزىلەدى. جاڭا اۆتوكولىكتەر مەديتسينا قىزمەتكەرلەرىن شاقىرتۋلارعا بارۋعا, پاتسيەنتتەردى اۋرۋحانالارعا جىلدام جەتكىزۋگە, العاشقى مەديتسينالىق كومەكتى ساپالى كورسەتۋگە مۇمكىندىك بەرەدى. ماسەلەن, كوروناۆيرۋس ينفەكتسياسىنىڭ شارىقتاۋ كەزەڭىندە جەدەل جاردەمگە كۇنىنە 1 مىڭنان اسا قوڭىراۋ شالىنعان.
– جەدەل جəردەم ستانساسىنىڭ مەديتسينالىق كولىك پاركى 2,5 ەسەگە ۇلعايدى. جاڭا رەانيموبيلدەر العاشقى مەديتسينالىق كومەك كورسەتۋ ءۇشىن بارلىق قاجەتتى جابدىقپەن جابدىقتالعان. ونىڭ ىشىندە وزىق ۇلگىدەگى دەفيبريللياتور, جاساندى تىنىس الۋ اپپاراتى, ەلەكتروكارديوگراف (ەكگ), تاعى باسقا نەمىس جəنە يتاليالىق مەديتسينالىق جابدىقتارمەن جابدىقتالعان. بيىل جاڭا عيماراتتىڭ قۇرىلىسى باستالادى. الداعى جىلى جەدەل جاردەم قىزمەتكەرلەرىنىڭ جالاقىسىن كوتەرۋ مəسەلەسى كوزدەلىپ وتىر, – دەيدى ازامات ەربولوۆ.
اتىراۋ وبلىسى