الماتى قالاسىنىڭ تولە بي - ابىلاي حان كوشەلەرىنىڭ قيىلىسىندا ەكى اۆتوبۋس سوقتىعىستى. كۋاگەرلەردىڭ ايتۋىنشا, جول اپاتىنان زارداپ شەككەندەر كوپ, دەپ حابارلايدى Egemen.kz.
«تولە بي - ابىلاي حان كوشەلەرىنىڭ ءدال ورتاسىندا جان تۇرشىگەرلىك جول اپاتى بولدى. ەكى اۆتوبۋس ءبىر-بىرىنە سوقتىعىسىپ, ساياباققا شىعىپ كەتتى. وقيعادان زارداپ شەككەن جولاۋشىلار كوپ», دەپ جازدى وقيعا كۋاگەرى Facebook پاراقشاسىندا.
باسقا كۋاگەردىڭ ايتۋىنشا, جول اپاتىنا ۇشىراعان ءبىر اۆتوبۋستىڭ استىندا ەكى جاياۋ جۇرگىنشى قالىپ قويعان. ال ەكىنشى اۆتوبۋس ساياباقتاعى اعاشقا سوعىلعان.
الماتى قالالىق موبيلدىلىك باسقارماسىندا ماماندار وقيعا ورنىندا قۇزىرەتتى ورگاندارمەن بىرلەسىپ, ءتيىستى جۇمىس جۇرگىزەدى دەپ جاۋاپ بەردى.