بۇل تۋرالى مەملەكەت باسشىسى قاسىم-جومارت توقاەۆ اتىراۋ وبلىسى جۇرتشىلىعىمەن كەزدەسۋىندە ايتتى, دەپ جازادى Egemen.kz.
«قازمۇنايگازعا» ەكولوگيالىق قاۋىپسىزدىك تالاپتارىن ساقتاي وتىرىپ, اتىراۋ جەرىندە ۇلكەن مۇناي قويماسىن سالۋ ماسەلەسىن قاراستىرۋدى تاپسىرامىن. ەنەرگەتيكا مينيسترلىگى مۇناي وندىرەتىن ءىرى كومپانيالارمەن قويمانىڭ قۇرىلىسىنا قاتىستى كەلىسسوزدەر جۇرگىزۋى كەرەك», دەدى پرەزيدەنت.
سونداي-اق توقاەۆ مۇناي سالاسىنداعى ەڭبەك نارىعىندا شۇعىل شەشىلۋگە ءتيىس ماسەلەلەر بارىن ەسكەرتىپ, كەلەشەكتە جۇمىسسىزدىقتىڭ پايدا بولۋىنا جول بەرمەۋ كەرەكتىگىن ايتتى. سونداي-اق ۇكىمەتكە تاپسىرما بەردى.
«بۇل وتە ماڭىزدى ماسەلەنى ۇكىمەت ءوز نازارىندا ۇستاۋى, وسى ماسەلە بويىنشا نەگىزگى شەتەل كومپانيالارىمەن بىرگە جۇمىس ىستەۋگە ءتيىس. ۇكىمەتكە وسى شارۋانى شۇعىل قولعا الۋدى تاپسىرامىن», دەدى قاسىم-جومارت كەمەل ۇلى.
مەملەكەت باسشىسى وڭىردەگى شەتەلدىك كومپانيالاردىڭ ايماقتىڭ ءبىلىم بەرۋ, دەنساۋلىق ساقتاۋ جانە ەكولوگيا ماسەلەلەرىن شەشۋگە اتسالىسۋى كەرەكتىگىنە دە توقتالدى.
«ۇكىمەت اكىمدىكپەن بىرلەسىپ, ينۆەستورلاردى وسى جۇمىسقا جۇمىلدىرۋى قاجەت. الەۋمەتتىك جوبالاردىڭ جۇزەگە اسىرىلۋىنا باسا نازار اۋدارىلادى. وسى ماسەلەنى پرەزيدەنت جانىنداعى شەتەلدىك ينۆەستورلار كەڭەسىنىڭ قاراۋىنا شىعارۋ كەرەك. مەملەكەت مۇددەسى ءۇشىن ينۆەستورلارمەن جالپى كەلىسىمدەردى ازىرلەۋ ماسەلەسىن پىسىقتاۋدى تاپسىرامىن», دەدى پرەزيدەنت.
پرەزيدەنت وڭىردە ينۆەستيتسيا تارتۋ ءۇشىن مەملەكەت تاراپىنان ءتۇرلى امال-تاسىلدەر قاراستىرىلعانىن جەتكىزدى. باسقا دا ءىرى جوبالاردى جۇزەگە اسىرۋ جوسپارلانعان. ولار ينفراقۇرىلىمدى دامىتۋعا, ينۆەستيتسيالار مەن جاڭا تەحنولوگيالاردى تارتۋعا جول اشادى. سونىمەن قاتار, بىرنەشە مىڭ جۇمىس ورنىن قۇرۋعا مۇمكىندىك بەرەدى. سول سەبەپتى قاسىم-جومارت توقاەۆ اتالعان جوبالار ءوڭىردىڭ ەكونوميكاسىن ءارتاراپتاندىرۋ ءۇشىن وتە ماڭىزدى دەپ ەسەپتەيدى. وسى رەتتە ۇكىمەت جانە اكىمدىك ينۆەستورلارمەن بىرلەسىپ ولاردىڭ تەزىرەك ىسكە قوسىلۋىن قامتاماسىز ەتۋدى تاپسىردى.
«مۇناي قويمالارىن بارىنشا كوبەيتۋ اسا وزەكتى ماسەلە بولىپ تۇر. قازىر ءبىز دايىن مۇنايدى بىردەن ەكسپورتقا شىعارۋعا ءماجبۇرمىز. ويتكەنى, تەحنولوگيا سونداي. ءوندىرىستى توقتاتىپ قويۋعا بولمايدى. وسى ورايدا, قىتايدىڭ جاقسى تاجىريبەسى بار. ولار وتە ۇلكەن قويمالار سالعان. سول سەبەپتى, مۇناي بولماي قالعاننىڭ وزىندە ىشكى نارىقتى 3-4 اي بويى قامتاماسىز ەتىپ تۇرا الادى», دەدى مەملەكەت باسشىسى.